Вясеннія выпалы шкодзяць прыродзе!

Спальванне сухой травы збядняе глебу! Мінеральныя рэчывы, якія змяшчаюцца ў попеле, лёгка сыходзяць з паверхневымі і грунтавымі водамі, і толькі нязначная іх частка паспявае засвоіцца раслінамі. У выніку адбываецца дэградацыя расліннага покрыва, збядняецца яго відавы склад. А гэта, у сваю чаргу, вядзе да памяншэння паступлення арганічных рэчываў, памяншэння колькасці гумусу – глеба губляе здольнасць утрымліваць вільгаць, пачынаецца яе разбурэнне – эрозія. У агні гінуць не толькі расліны, у полымі гінуць жывёлы і птушкі! Выпальванне сухога травастою выклікае гібель кладак і месцаў гняздзішчаў такіх птушак, як крыжанка, чырок-чарот, чыбіс, травянка, бекас, чаротная і звычайная асоўкі, палявы, лясны і чубаты жаўрук, лугавы жаўранак. ЗАБАРОНЕНА! - выпальванне сухой расліннасці (сухіх раслін) і яе рэштак на корані; - развядзенне вогнішчаў, спальванне раслінных рэшткаў на тэрыторыях агульнага карыстання ў населеных пунктах (Выключэнне! спецыяльна абсталяваныя для гэтага месцы, вызначаныя рашэннямі мясцовых выканаўчых і распарадчых органаў, а на астатніх тэрыторыях дапускаюцца з захаваннем патрабаванняў у галіне аховы навакольнага асяроддзя і правілаў пажарнай бяспекі.). Невыкананне патрабаванняў заканадаўства цягне адміністрацыйную адказнасць!