6 ТРЭНДАЎ БЕЛАРУСКАГА ТУРЫЗМУ

На адзіным дні інфармавання па тэме «Трэнды і новыя напрамкі развіцця турызму ў Беларусі» Ягор Гіз, начальнік аддзела развіцця ўнутранага турызму і якасці паслуг дзяржаўнай установы «Нацыянальнае агенцтва па турызме», вылучыў 6 ключавых вектараў галіны. ➡️ Прамысловы турызм Больш за 130 прадпрыемстваў адкрыты для наведвальнікаў. У 2025 годзе — 267,2 тыс. экскурсантаў. Гэты від турызму запатрабаваны як для беларусаў, так і для грамадзян іншых краін. ➡️ Аграэкатурызм Адзін з самых масавых відаў па суб'ектах турыстычнай дзейнасці. Лідары — Мінская вобласць (419 аб'ектаў), Брэсцкая і Гродзенская (каля 280 кожная). Людзі едуць па цішыню, прыроду і лакальны побыт. ➡️ Лячэбна-аздараўленчы турызм 285 санаторна-курортных арганізацый на 60,4 тыс. месцаў. Амаль чвэрць гасцей — замежнікі. Аднак менавіта беларускі турыст з'яўляецца асноўным спажыўцом. Наш беларускі адпачынак з лячэннем з'яўляецца ключавым і высокамаржынальным турыстычным брэндам. ➡️ Падзеевы турызм Толькі летам 2026 года запланавана больш за 250 буйных падзеевых мерапрыемстваў. Нацыянальнае агенцтва па турызме запрашае да ўдзелу ў забегу «Налібоцкія сцежкі». ➡️ Лічбавая трансфармацыя Прыярытэт Дзяржпраграмы 2026–2030 — адзіная лічбавая турыстычная платформа і ГІС "Турызм". Увесь маршрут у адным акне. ➡️ Новыя функцыі ТІЦ З 5 студзеня 2026 года турыстычныя інфармацыйныя цэнтры атрымалі пашыраныя паўнамоцтвы: цяпер 68 ТІЦ могуць займацца туроператарскай дзейнасцю — фарміраваць паўнавартасны турыстычны прадукт для працы «на прыём». Ягор Гіз адзначыў: Турызм у Беларусі перастаў быць толькі ўнутраным. Мы расцём у прамысловым, падзеевым і лічбавым напрамку. І галоўнае — галіна становіцца драйверам для рэгіёнаў.