Як добраўпарадкаваць тэрыторыю правільна?

У Беларусі пасадка дрэў каля шматпавярховікаў строга рэгламентавана Законам «Аб раслінным свеце». Нельга проста купіць саджанцы і ўкапаць яго пад акном. Галоўныя правілы: ✔Любую пасадку трэба ўзгадняць з абслугоўваючай арганізацыяй. Пад зямлёй ідуць кабелі і трубы, іх нельга пашкоджваць. ✔Выконвайце дыстанцыю. Мінімум 5 метраў ад сцен дома і 1,5 метра ад дарожак. ✔Выбірайце правільныя віды. Ніякіх інвазіўных дрэў (клён ясеністалісты, белая акацыя) і парод з магутнымі каранямі (топаль, вярба). За самавольнае азеляненне прадугледжана адміністрацыйная адказнасць у адпаведнасці з Кодэксам Рэспублікі Беларусь аб адміністрацыйных правапарушэннях.