Аб парадку перапрацоўкі палімерных адходаў

Па выніках 2025 года ў Беларусі сабралі для перапрацоўкі 157,5 тыс. тон палімерных адходаў, што на 35% больш, чым у 2024 годзе. Для параўнання: у 2024 годзе ў краіне сабрана 116,5 тыс. тон палімерных адходаў, з якіх у Віцебскай вобласці – 15,8 тыс. тон пры агульным аб'ёме ўтвораных цвёрдых камунальных адходаў – 448,8 тыс. тон. Палімерныя адходы адносяцца да адходаў трэцяга класа небяспекі, іх перапрацоўка з'яўляецца ліцэнзуемым відам дзейнасці. Усяго ў Беларусі зарэгістравана больш за 170 прадпрыемстваў-ліцэнзіятаў, якія займаюцца перапрацоўкай палімерных (пластыкавых) адходаў, а ў Віцебскім рэгіёне – 18 ліцэнзіятаў. У цяперашні час з другаснага пластыка вырабляюць: ✔️ новую ўпакоўку (тару) ✔️ тавары для дома і саду ✔️ будаўнічыя матэрыялы, трубы і каналізацыйныя люкі ✔️ мэблевую фурнітуру і інш. ⚡️Здаючы пластык у нарыхтоўчыя пункты або выкідваючы яго ў спецыяльныя кантэйнеры, кожны з нас уносіць уклад у захаванне прыроды!?