Многія з нас, хто любіць адпачываць на прыродзе, часта не абыходзяцца без распальвання вогнішчаў.

Неабходна памятаць, што пры распальванні агню варта прытрымлівацца ўстаноўленых правіл пажарнай бяспекі і патрабаванняў прыродаахоўнага заканадаўства. Распальваць вогнішча і ўстанаўліваць мангалы, грылі, барбекю і іншыя прыстасаванні (далей – мангал) можна ў тым ліку: на тэрыторыі дачных і саוдовых кааператываў; на прыдамавой тэрыторыі; у іншых месцах, якія не адносяцца да зямель агульнага карыстання. На землях агульнага карыстання распаліць вогнішча можна толькі ў спецыяльна абсталяваных для гэтага месцах (ч. 4 арт. 20 Закона аб раслінным свеце). ❌️Таксама забаронена спальванне лісця на землях агульнага карыстання (зялёныя зоны вуліц, паркаў, сквераў і г.д.). Для распальвання вогнішча або мангала неабходна выбраць бяспечнае месца, каб іскры не маглі даляцець да дамоў і іншых пабудоў, а таксама да гаручых рэчываў і матэрыялаў, калі яны знаходзяцца паблізу. Запасіцца сродкамі тушэння агню. Гэта могуць быць ёмістасці з вадой, лапата або вогнетушыцель. Пастаянна кантраляваць працэс: ад распальвання агню да яго тушэння. Па заканчэнні пікніка старанна затушыць агонь, напрыклад, заліць вадой або засыпаць зямлёй. Пераканацца, што вуголле перастала тлець. Забаронена распальваць вогнішчы на тарфяных грунтах, пад кронамі дрэў, участках з сухой травой і мохам, у лесапасадках, на лесасеках з паваленымі дрэвамі, каля стогаў сена або саломы. Калі ўмовы распальвання вогнішча або мангала не ўлічаны, то да парушальніка прымяняюцца меры адміністрацыйнай адказнасці. Штраф за парушэнне патрабаванняў пажарнай бяспекі ў лясах або на тарфяніках да 12 базавых велічынь, а пры знішчэнні або пашкоджанні лесу і тарфянікаў да 30 б.в. Штраф за распальванне вогнішчаў у забароненых месцах да 12 б.в. За незаконнае выпальванне сухой расліннасці, травы на корані, а таксама сцярні і пажынных рэшткаў штраф ад 10 да 30 б.в.