Паважаныя супрацоўнікі прыродаахоўнай сферы!

Міністэрства прыродных рэсурсаў і аховы навакольнага асяроддзя Рэспублікі Беларусь шчыра віншуе вас з Днём аховы навакольнага асяроддзя! Гэтая дата аб’ядноўвае ўсіх, хто звязаў сваё жыццё са шляхетнай справай абароны прыроды, хто штодзённа ўносіць асабісты ўклад у захаванне ўнікальнай прыроднай спадчыны нашай краіны. Вырашэнне задач у сферы аховы навакольнага асяроддзя і рацыянальнага выкарыстання прыродных рэсурсаў з’яўляецца адным з ключавых напрамкаў дзяржаўнай палітыкі Рэспублікі Беларусь. Мы нясем агульную адказнасць за будучыню нашай планеты. Сёння перад галіной стаяць маштабныя задачы: забеспячэнне экалагічнага дабрабыту краіны, захаванне біялагічнай разнастайнасці і стварэнне бяспечных умоў для жыцця грамадзян. Дзякуючы адказнаму падыходу да справы і высокаму ўзроўню кампетэнцыі дасягаюцца канкрэтныя вынікі ў галіне прыродакарыстання. Асаблівыя словы падзякі ведамства выказвае ветэранам прыродаахоўнай службы, якія заклалі трывалыя традыцыі беражлівых адносін да роднай прыроды і перадаюць свой бясцэнны вопыт маладому пакаленню эколагаў. Мы таксама ўдзячныя ўсім грамадзянам, хто сваім асабістым прыкладам, удзелам у суботніках, акцыях і валанцёрскіх праектах уносіць уклад у чысціню і парадак на нашай зямлі. Прыміце пажаданні моцнага здароўя, новых адкрыццяў і прафесійных дасягненняў. Няхай ваша адданасць справе і надалей служыць гарантам экалагічнага суверэнітэту нашай краіны. Міру, дабра і дабрабыту вам і вашым сем'ям!