Зямля вачыма дзяцей: вынікі экалагічнага конкурсу ў Расонах!

Да Сусветнага дня аховы навакольнага асяроддзя Расонская раённая інспекцыя прыродных рэсурсаў і аховы навакольнага асяроддзя правяла конкурс дзіцячых малюнкаў. Юныя ўдзельнікі праз творчасць паказалі, як моцна яны любяць і цэняць прыроду. Кожная дзіцячая праца напоўнена глыбокім сэнсам: у свае малюнкі дзеці ўклалі не проста талент, а шчырае разуменне экалагічных праблем. У яркіх працах ажылі рэдкія насельнікі беларускіх лясоў, заззялі чыстыя воды азёр, з'явіліся заклікі да раздзельнага збору смецця і беражлівых адносін да кожнага дрэўца. Кожны малюнак стаў шчырым пасланнем аб тым, як важна берагчы наш агульны дом. Дзеці, якія занялі першае, другое і трэцяе месцы, атрымалі заслужаныя дыпломы і памятныя падарункі. Віншуем юных мастакоў з перамогай і дзякуем усім удзельнікам за талент і неабыякавасць да лёсу роднага краю! Вы — наша зялёная будучыня! ?

Галерэя выяў

•