Аб парадку звароту з адходамі, якія ўтвараюцца ў садаводчых таварыствах і гаражных кааператывах.

У садоводчых таварыствах падлягаюць раздзельнаму збору: другасныя матэрыяльныя рэсурсы (далей – ДМР), раслінныя, буйнагабарытныя і будаўнічыя адходы.

Для збору раслінных адходаў ствараецца пляцоўка плошчай не менш за 6,0 м2 з агароджай з трох бакоў вышынёй не менш за 1,0 м або ўсталёўваецца кантэйнер (бункер) вялікай ёмістасці (аб'ёмам 6,0 м3 і больш). Дапускаецца кампаставанне раслінных адходаў або іншае іх выкарыстанне, у тым ліку спальванне частак ствалоў выдаленых дрэў, пнёвай карнявой драўніны і раслінных адходаў, з захаваннем патрабаванняў правілаў пажарнай бяспекі, на зямельных участках, землекарыстальнікамі якіх яны з'яўляюцца, пры наяўнасці дагавора з арганізацыяй, якая ажыццяўляе кампаставанне або іншае выкарыстанне раслінных адходаў.

Для збору буйнагабарытных і будаўнічых адходаў усталёўваюцца спецыяльныя кантэйнеры (аб'ёмам 6,0 м3 і больш) або абсталёўваюцца пляцоўкі.

У гаражных кааператывах падлягаюць раздзельнаму збору: ДМР, зношаныя шыны, адпрацаваныя масла і іншыя спецыяльныя вадкасці.

Для збору адпрацаванага масла выкарыстоўваюцца ёмістасці ў адпаведнасці з тэхнічным кодэксам усталяванай практыкі 17.11-05-2012 (02120) «Ахова навакольнага асяроддзя і прыродакарыстанне. Адходы. Правілы абыходжання з адпрацаванымі нафтапрадуктамі».

На кантэйнернай пляцоўцы павінна быць прадугледжана месца (адсек, бункер, кантэйнер) для размяшчэння зношаных шын.

Вываз адходаў, якія ўтвараюцца ў садоводчых таварыствах і гаражных кааператывах, павінен ажыццяўляцца ў адпаведнасці з дагаворамі на аказанне паслуг па вывазе адходаў, заключанымі органамі кіравання з юрыдычнымі асобамі або індывідуальнымі прадпрымальнікамі, якія ажыццяўляюць такія паслугі.