Адкрыты прыём заявак на 17-ы Рэспубліканскі конкурс інавацыйных праектаў 2026 года

У 2026 годзе Дзяржаўны камітэт па навуцы і тэхналогіях Рэспублікі Беларусь пры ўдзеле Міністэрства адукацыі, Нацыянальнай акадэміі навук Беларусі, грамадскага аб'яднання «Беларускі рэспубліканскі саюз моладзі», Беларускага інавацыйнага фонду праводзіць 17-ы Рэспубліканскі конкурс інавацыйных праектаў.

Удзел у конкурсе – гэта магчымасць для распрацоўшчыкаў праектаў прадставіць свае ідэі шырокай грамадскасці, атрымаць ацэнку экспертаў і грашовыя прызы.

У межах конкурсу разглядаюцца інавацыйныя праекты розных стадый рэалізацыі са стратэгіяй камерцыялізацыі, якія адпавядаюць прыярытэтным напрамкам навуковай, навукова-тэхнічнай і інавацыйнай дзейнасці.

Сёлета, акрамя звыклых намінацый на «Лепшы інавацыйны праект» (для юрыдычных і фізічных асоб) і «Лепшы моладзевы інавацыйны праект» (для фізічных асоб не старэйшыя за 35 гадоў), арганізатарамі былі заснаваны яшчэ 30 дадатковых намінацый. Сярод іх намінацыі на: «Лепшы інавацыйны праект у сферы аховы здароўя», «Лепшы інавацыйны праект у сферы сельскай гаспадаркі», «Лепшы інавацыйны праект у лёгкай прамысловасці», «Лепшы інавацыйны праект у сферы ваеннай бяспекі дзяржавы», «Лепшы інавацыйны праект у галіне электратэхнікі і прыборабудавання» і многія іншыя.

З поўным спісам намінацый можна азнаёміцца тут.

У мэтах падрыхтоўкі ўдзельнікаў конкурсу да разгляду і абароны інавацыйных праектаў будуць праведзены семінары-трэнінгі з прыцягненнем вядучых беларускіх спецыялістаў па інавацыйнай і венчурнай дзейнасці, бізнес-планаванні.

Для ўдзелу ў конкурсе ўсім жадаючым неабходна да 1 жніўня 2026 года прайсці абавязковую рэгістрацыю на сайце конкурсу, запоўніць формы (заяўку, пашпарт і бізнес-план інавацыйнага праекта або тэхніка-эканамічнае абгрунтаванне, стратэгію камерцыялізацыі), размешчаныя там жа, і накіраваць у друкаваным выглядзе камплект конкурсных дакументаў на адрас Беларускага інавацыйнага фонду (220072, г. Мінск, пр-т Незалежнасці, 68-2, кб. 112).

Пасля завочнага адбору заявак (праверкі дакументаў па фармальных прыкметах, экспертызы), аўтары 40 лепшых распрацовак прымуць удзел у фінальным этапе конкурсу – абароне праектаў перад саветам конкурсу.

Па выніках конкурсу пераможцам будуць уручаны дыпломы, сертыфікаты і каштоўныя прызы.

Дадатковую інфармацыю па ўдзеле ў конкурсе можна атрымаць па тэлефонах 8(017)270 84 29, +375(29)577 56 89 або па e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..