Увазе недракарыстальнікаў!

Міністэрства прыродных рэсурсаў і аховы навакольнага асяроддзя Рэспублікі Беларусь сістэмна ўзмацняе кантроль за выкананнем патрабаванняў заканадаўства пры здабычы карысных выкапняў.

Асноўная мэта мерапрыемстваў – не толькі фіксацыя парушэнняў, але і аказанне метадычнай дапамогі па своечасовым выяўленні рызык да наступлення негатыўных наступстваў.

У фокусе кантрольнай дзейнасці міністэрства – ключавыя параметры распрацоўкі кар'ераў, а менавіта:

– выкананне межаў кар'ераў;

– выкананне праектнай глыбіні распрацоўкі;

– наяўнасць інфармацыйных таблічак;

– наяўнасць шлагбаўмаў на пад'язных шляхах;

– правільнае размяшчэнне і захоўванне пладароднага пласта глебы;

– наяўнасць і выкананне ўзгодненага штогадовага плана развіцця горных работ.

Для павышэння дакладнасці і аб'ектыўнасці кантролю ў практыку актыўна ўкараняюцца сучасныя тэхналагічныя рашэнні, такія як:

– даныя дыстанцыйнага зандавання Зямлі;

– інфармацыйна-аналітычныя сістэмы;

– спадарожнікавыя GNSS-прыёмнікі.

У мэтах папярэджання магчымых парушэнняў рэкамендуем нетракарыстальнікам:

– рэгулярна праводзіць унутраны аўдыт сваіх аб'ектаў карыстання нетрамі па названых параметрах;

– забяспечваць своечасовае вядзенне і наяўнасць усёй неабходнай дакументацыі.

Гэта дазволіць мінімізаваць рызыкі і забяспечыць устойлівую і законную эксплуатацыю радовішчаў.