Донацыя крыві

Каму патрэбна донарская кроў?

Вылучаюць некалькі катэгорый людзей, якім патрэбна донарская кроў.

Ёсць людзі, якія маюць патрэбу ў прэпаратах крыві па жыццёва неабходнай чарзе. Гэта, у першую чаргу, пацыенты з гемафіліяй. Калі фактараў згортвання дастаткова, і пацыент з дзяцінства атрымлівае адэкватную падтрымліваючую тэрапію, то ён нічым не адрозніваецца ад звычайнага чалавека і вядзе жыццё звычайнага чалавека. А без фактараў згортвання крыві жыццё такіх хворых проста немагчыма.

У донарскай крыві маюць патрэбу пацыенты з анкалагічнымі захворваннямі. Сучаснае лячэнне злаякасных пухлін прадугледжвае знішчэнне пухлінных клетак. Разам з пухліннымі клеткамі на нейкі час спыняецца і нармальнае кроваўтварэнне. Менавіта ў гэты перыяд пацыенту неабходна падтрымліваючая тэрапія кампанентамі донарскай крыві, у прыватнасці, трамбацытамі, якім замены няма, і ў бліжэйшы час нават тэарэтычна не прадбачыцца.

Донарская кроў патрэбна хворым з хірургічнай паталогіяй. Гэта людзі, якія маюць патрэбу ў пратэзаванні суставаў, гэта кардыяхірургічныя пацыенты. Хірургічныя аперацыі звязаны з траўмай сасудаў, тканін, з неабходнасцю аднаўлення страчаных кампанентаў крыві.

Пераліванні крыві нярэдка патрабуюцца жанчынам падчас родаў. Заўсёды пэўнай колькасці жанчын у родах пагражае кровастрата, якую таксама неабходна пісьменна кампенсаваць з тым, каб захаваць жыццё маці і дзіцяці.

Здача крыві прыносіць карысць не толькі людзям, якія ў ёй маюць патрэбу, але і самому донару. Навукова даказана, што ў выніку ўзяцця крыві ў арганізме чалавека адбываюцца актывізацыя сістэмы кроваўтварэння і стымуляцыя імунітэту, памяншаецца нагрузка на некаторыя органы і г.д. Данорства, у тым ліку і бязвыплатнае, – гэта свайго роду візітная картка здароўя не толькі самога донара, але грамадства ў цэлым, паказчык высокага ўзроўню свядомасці і гуманізму.

Донорам крыві могуць быць грамадзяне Рэспублікі Беларусь, а таксама замежныя грамадзяне і асобы без грамадзянства, якія пастаянна пражываюць у Рэспубліцы Беларусь, ва ўзросце ад васемнаццаці да шасцідзесяці гадоў, якія валодаюць поўнай дзеяздольнасцю, не пакутуюць захворваннямі і не знаходзяцца ў станах, пры якіх здача крыві, яе кампанентаў проціпаказана.

Як падрыхтавацца да здачы крыві і яе кампанентаў

Пры падрыхтоўцы да здачы крыві і яе кампанентаў неабходна выконваць наступныя простыя правілы:

1.Весці здаровы лад жыцця, выконваць правілы асабістай і грамадскай гігіены.

2.Пазбягаць выпадковых палавых сувязяў, якія могуць пацягнуць за сабой захворванне віруснымі інфекцыямі, якія перадаюцца палавым шляхам (вірусны гепатыт В, вірусны гепатыт С, іншыя вірусныя гепатыты з парентеральным механізмам перадачы, сіфіліс, ВІЧ (СНІД)).

3.Пазбягаць такіх касметычных маніпуляцый як тату, пірсінг, імпланты, шрамаванне, спліт мовы і інш. або ўстрымацца ад выканання донарскай функцыі на 6 месяцаў ад даты правядзення апошняй маніпуляцыі.

4.Не прыходзіць на донацыю пры наяўнасці прыкмет недамагання (насмарк, кашаль, галаўны боль, боль у горле, павышэнне або паніжэнне артэрыяльнага ціску), наяўнасці вострых і (або) абвастрэння хранічных захворванняў, падчас прыёму лекавых сродкаў (у т.л. з прафілактычнай мэтай), а таксама ў стане ператамлення (пасля празмерных фізічных нагрузак, працы ў начны час сутак і інш.).

5.Не планаваць донацыю непасрэдна перад экзаменамі, спаборніцтвамі, падчас інтэнсіўнага перыяду працы, перад працай у гарачых цэхах і ў начны час сутак.

6.Напярэдадні і ў дзень донацыі выключыць з рацыёну харчавання тлустую, смажаную, вострую, вэнджаную ежу, малочныя прадукты, яйкі, масла, бананы, цытрусавыя, арэхі.

7.Раніцай у дзень дарыення «лёгка» паабедаць (салодкі чай, варэнне, хлеб, сухары, сушкі, адварныя крупы, макароны на вадзе без масла, рыба, прыгатаваная на пару, сокі, марсы, кампоты, мінеральная вада, гародніна, садавіна (за выключэннем цытрусавых і бананаў)). «На галодны страўнік» праходзіць працэдуру дарыення не рэкамендуецца.

8.За 10 дзён да дарыення ўстрымацца ад прыёму антыбіётыкаў, за 5 дзён – саліцылатаў і аналгетыкаў, за двое сутак – ад ужывання алкагольных, слабаалкагольных напояў і піва, за дзве гадзіны – ад курэння.

9.Донарам крыві і яе кампанентаў катэгарычна забараняецца ўжыванне наркатычных сродкаў, псіхатропных рэчываў, іх аналагаў, таксічных або іншых дурманячых рэчываў. 

Не заставайцеся абыякавымі! Памятайце, дарыенне крыві – ганаровая справа, якая выра