Донацыя крыві

14 чэрвеня 2024 года ва ўсім свеце ў чарговы раз будзе адзначацца Сусветны дзень донара крыві.

Донарства крыві (ад лат. donare — «дарыць») — добраахвотнае ахвяраванне ўласнай крыві або яе кампанентаў для наступнага пералівання хворым, якія маюць патрэбу, або атрымання з яе медыцынскіх прэпаратаў. Паводле статыстыкі, кожны трэці чалавек хаця б раз у жыцці мае патрэбу ў донарскай крыві.

Донарамі могуць стаць грамадзяне Рэспублікі Беларусь ва ўзросце ад 18 да 65 гадоў, якія прайшлі медыцынскі агляд і не пакутуюць захворваннямі, пры якіх донарства проціпаказана. Вага донара павінна быць не ніжэй за 55 кг, артэрыяльны ціск – не ніжэй за 100\80 мм рт. сл.

ПАРАБОТКІ, ЯКІЯ ПРАДЪЯЎЛЯЮЦЦА ДА ДОНАРАЎ КРЫВІ (ПЛАЗМЫ)?

• донар павінен весці здаровы лад жыцця;
• мець паўнавартасны, дастатковы сон і адпачынак, не прыходзіць на донацыю пасля начной змены;
• не хаваць ад урача звестак аб перанесеных захворваннях, аб выпадковых палавых сувязях, якія могуць прывесці да заражэння ВІЧ, гепатытам, інфекцыямі, якія перадаюцца палавым шляхам;
• не ўжываць спіртныя напоі (у тым ліку піва) на працягу трох дзён перад здачай крыві;
• не прыходзіць на кроваздачу пры наяўнасці прыкмет вострага захворвання (насмарк, кашаль, галаўны боль, боль у горле і г.п.);
• напярэдадні кроваздачы і ў дзень яе не прымаць тлустую ежу;

(За 1-2 дні да здачы крыві выключыць са свайго рацыёну тлустую, смажаную, вострую ежу, малочныя і кісламалочныя прадукты (алей сметанковы, вяршкі, малако, смятану, тварог, кефір, сыр, ёгурт), сала, маянэз, арэхі, семечкі, яйкі, шакалад, раслінныя алеі, мясныя булёны, каўбасныя вырабы.

Рэкамендуецца бялковая ежа, мяса нятлустых гатункаў, сокі, свежыя агародніна, садавіна (выключыць цытрыну, апельсін, мандарыны, банан), булачка, чорны чай. За 1-2 дні да здачы крыві павялічыць колькасць выпіваемай вадкасці да 1,5-2 літраў.

Раніцай перад здачай крыві рэкамендуецца лёгкі сняданак (чай, сок, булачкі, агародніна, садавіна, каша, прыгатаваная на вадзе, нятлустае мяса)).

Пры невыкананні рэжыму харчавання донар адхіляецца ад здачы крыві!!!!

• выключыць значныя фізічныя нагрузкі, псіха-эмацыянальнае перанапружанне.

ЯК ЧАСТА МОЖНА ЗДАВАЦЬ КРОВ?

1 раз у 2 месяцы (60 дзён), пасля 5-й донацыі - не менш за 90 дзён. Мужчыны могуць здаваць кроў не больш за 5 разоў на год, жанчыны - не больш за 4 разы на год. Пасля здачы плазмы павінна прайсці не менш за 14 дзён, перш чым донар зможа зноў здаваць плазму.

Калі Вы адчуваеце сябе добра, у Вас няма супрацьпаказанняў па здароўі і ў Вас ёсць жаданне здаць кроў - дапамагчы тым, хто мае патрэбу - Вы робіце добрую справу!

ДПУ «Расонскі РЦГЭ», 2024 г.