Прафілактыка віруснага гепатыту А

Вірусны гепатыт А - вострае інфекцыйнае захворванне печані, выкліканае вірусам гепатыту А.

Крыніцай інфекцыі з'яўляецца чалавек з любымі праявамі хваробы (жаўтушная, безжаўтушная, бессімптомная форма). Інкубацыйны перыяд - ад 7 да 50 дзён (у сярэднім – 35). Хвароба цесна звязана з адсутнасцю бяспечнай вады, неналежнай санітарыяй і дрэннай асабістай гігіенай.

Як можна заразіцца вірусным гепатытам А

Вірус можа трапіць у арганізм наступнымі шляхамі:

• з вадой - заражэнне магчыма пры ўжыванні інфікаванай пітной вады і купанні ў заражанай вадзе;
• з ежай - у выніку ўжывання ў ежу салатаў, зеляніны, садавіны і інш.;
• пры цесным кантакце з хворымі людзьмі, праз інфікаваны посуд, цацкі, прадметы побыту. Перадачы віруса можа спрыяць цесны кантакт з крыніцай, асабліва ва ўмовах надзвычай нізкага ўзроўню асабістай гігіены.

Прафілактыка віруснага гепатыту А:

- старанна мыйце рукі з мылам пасля вяртання дадому з вуліцы, перад ежай і пасля наведвання туалета;

- не ўжывайце ваду са выпадковых вадаправодаў і «з-пад крана», піце ваду толькі кіпячоную. Памятайце, што вірус гіне пры тэмпературы кіпячэння (100 градусаў) толькі праз 5 хвілін;

- выконваць асцярожнасць пры купанні ў басейне і адкрытых вадаёмах, выключайце заглатванне вады;

- старанна мыйце гародніну, садавіну, ягады перад ужываннем. Не набывайце прадукты харчавання ў выпадковых асоб або ў месцах несанкцыянаванага гандлю;

- для апрацоўкі сырых прадуктаў неабходна карыстацца асобнымі нажамі і апрацоўчымі дошкамі;

- старанна прасмажвайце або праварвайце прадукты;

- хуткапсавальныя прадукты і гатовую ежу варта захоўваць толькі ў халадзільніку пры тэмпературы +2 +6ºС.

- Адной з важных мер прафілактыкі віруснага гепатыту А з'яўляецца вакцынацыя.

Лягчэй папярэдзіць і прадухіліць захворванне, чым змагацца з наступствамі.

ДУ «Расонскі РЦГЭ», 2022 г., 50 экз.