Сусветны дзень прадухілення самагубстваў
10 верасня 2024 года, у рамках «Адзіных дзён здароўя», праводзіцца Сусветны дзень прафілактыкі самагубстваў.
Глабальная мэта правядзення Сусветнага дня прафілактыкі самагубстваў – змяншэнне ўзроўню суіцыдаў і суіцыдальных спроб сярод насельніцтва.
Гісторыя свята
Сваім узнікненнем Сусветны дзень прафілактыкі самагубстваў абавязаны двум псіхіятрам: румынска-аўстрыйцу Эрвіну Рынгелу і Норману Фарберу. У выніку працяглых даследаванняў дэвіянтных паводзін сярод розных груп насельніцтва, Рынгел першым увёў паняцце суіцыдальнага сіндрому ў 1960 годзе. Далейшая навуковая дзейнасць доктара была накіравана на магчымасці скарэкціраваць і нейтралізаваць агрэсіўныя фактары, якія ўплываюць на чалавека і падбухторваюць яго да самагубства.
У тым жа 1960 г. ён разам з Фарберам стварыў Міжнародную асацыяцыю па прафілактыцы самагубстваў (МАПС), галоўнай мэтай якой з'яўляецца прафілактыка і прадухіленне суіцыду. Заручыўшыся падтрымкай Сусветнай арганізацыі аховы здароўя, МАПС выступіла з ініцыятывай устанаўлення дадзенага свята, якое сталі адзначаць з 10 верасня 2003 года.
У пэўнай ступені спецыялісты службаў даверу, псіхолагі і псіхіятры, а таксама перамоўшчыкі-выратавальнікі і супрацоўнікі сацыяльных службаў з чыстым сумленнем могуць лічыць гэты дзень сваім прафесійным святам.
У гэты дзень з насельніцтвам праводзяцца мерапрыемствы: гутаркі, лекцыі, кансультацыі, дні інфармавання, распаўсюджванне тэматычных ІАМ і інш.
Суіцыд-гэта наўмыснае пазбаўленне сябе жыцця. Ён з'яўляецца вынікам узаемадзеяння біялагічных, генетычных, псіхалагічных, сацыяльных і экалагічных фактараў.
Суіцыдальныя паводзіны – усемагчымыя праявы суіцыдальнай актыўнасці: думкі, намеры, выказванні, пагрозы, спробы замахаў і г.п.
Большасць суіцыдальных спроб можна было б спыніць, калі б у свядомасці людзей не было негатыўнага ўспрымання псіхолагаў. Многія практычна не падзяляюць паняцці псіхіятрыя і псіхалогія і таму часта проста саромеюцца звярнуцца па дапамогу.
Існуюць пэўныя статыстычныя заканамернасці, якія паказваюць на тое, што рызыка самагубства вышэй у мужчын, чым у жанчын; у пажылым узросце, чым у маладым, тым не менш, самагубствы здзяйсняюць людзі любога ўзросту і абодвух полаў, незалежна ад сацыяльнай прыналежнасці і ўзроўню адукацыі.
Дапамагаць людзям, якія пакутуюць, – можна толькі разам. Толькі сумеснымі намаганнямі медыкаў, псіхолагаў, арганізатараў і адміністратараў, рэлігійных дзеячаў, работнікаў сістэмы адукацыі, сацыяльнай абароны насельніцтва, грамадскіх аб'яднанняў і многіх іншых можна дамагчыся стварэння наладжанай сістэмы прафілактыкі і прадухілення суіцыдаў.
Калі Вы адчуваеце, што ў Вас псіхалагічныя праблемы – не заставайцеся адны са сваімі праблемамі, звярніцеся па дапамогу да навакольных Вас людзей і ў бліжэйшыя медустановы. Свет не без добрых людзей, а жыццё – адно і бясцэннае!
Беражыце сябе і сваіх блізкіх!
ДУ «Расонскі РЦГЭ», 2024г.