Разам – за моцную і здаровую сям’ю

Пад такой назвай з 12 па 17 мая 2025 г. у Беларусі пройдзе акцыя, прысвечаная Дню сям'і.

Розныя тэматычныя мерапрыемствы (адукацыйныя, культурныя, спартыўныя, сацыяльныя) адбудуцца як на рэспубліканскім, так і на рэгіянальным узроўнях. Сярод маштабных падзей – прэс-канферэнцыя «Беларусь – за здаровую сям'ю!» у Нацыянальным прэс-цэнтры з удзелам шматдзетных сем'яў, міжнародны форум «Сям'я – аснова дэмаграфічнага патэнцыялу дзяржавы», адзіны дзень кансультавання па пытаннях сям'і, фінал конкурсу маладых сем'яў вайскоўцаў «Сям'я – крышталь грамадства», фотачэлендж «Сям'я – гэта...», Рэспубліканскае сямейнае свята ў сталічным Цэнтральным дзіцячым парку імя Максіма Горкага і многія іншыя.
З праграмай мерапрыемстваў акцыі можна азнаёміцца на сайце Міністэрства працы і сацыяльнай абароны.

Крыніца інфармацыі: сайт Рэспубліканскага цэнтра гігіены, эпідэміялогіі і грамадскага здароўя, 2025.