Спецыяльнае прафілактычнае мерапрыемства МНС «Дом без пажару» прайшло на Расоншчыне
На Расоншчыне праходзіла спецыяльнае прафілактычнае мерапрыемства МНС «Дом без пажару», мэтай якога з'яўляецца зніжэнне рызык узнікнення пажараў у жыллёвым фондзе і гібелі ад іх людзей, павышэнне культуры бяспекі жыццядзейнасці ў насельніцтва.
Для аказання дапамогі ў правядзенні пажарна-прафілактычнай працы ў дамах і кватэрах жыхароў раёна да расонскіх ратавальнікаў далучыліся работнікі Віцебскага абласнога ўпраўлення МНС. Працоўны дзень пачаўся з інструктажу асабовага складу аб неабходнасці захавання тэхнікі бяспекі пры абследаванні аб'ектаў жыллёвага фонду.
У межах мерапрыемства арганізавана супольная праца суб'ектаў прафілактыкі ў гарадскім паселішчы Расоны, а таксама на тэрыторыях Краснапольскага і Сакалішчанскага сельскіх Саветаў працавалі аглядныя камісіі. Ва ўказаных месцах таксама праводзілася індывідуальная пажарна-прафілактычная праца.
Пры наведванні домаўладанняў работнікі МНС нагадвалі грамадзянам аб неабходнасці захавання элементарных правіл пажарнай бяспекі, каб у доме не адбылося бяды. Расказалі аб правілах эксплуатацыі печанай ацяплення, электрасетак і электраабсталявання, а таксама згадалі важны прыбор – аўтаномны пажарны апавяшчальнік.
Работнікамі Цэнтра прапаганды бяспекі жыццядзейнасці праведзены інфармацыйна-прапагандысцкія мерапрыемствы ў Расонскай сярэдняй школе, у дзіцячым садзе №1 раённага цэнтра, аддзяленні дзённага знаходжання тэрытарыяльнага цэнтра сацыяльнага абслугоўвання насельніцтва.
Для зносін з насельніцтвам ратавальнікі выкарыстоўвалі розныя формы працы, у залежнасці ад катэгорыі грамадзян. Але нязменнай застаецца мэта, якую пераследуюць ратавальнікі пры рэалізацыі спецыяльнага прафілактычнага мерапрыемства «Дом без пажару» – зніжэнне колькасці пажараў у дамах і кватэрах, і гібелі людзей ад іх.