Спецыяльнае прафілактычнае мерапрыемства МНС «Дом без пажару» прайшло на Расоншчыне

На Расоншчыне ў перыяд з 17 па 22 чэрвеня праходзіла спецыяльнае прафілактычнае мерапрыемства МНС «Дом без пажару», мэтай якога з'яўляецца зніжэнне рызык узнікнення пажараў у жыллёвым фондзе і гібелі ад іх людзей, павышэнне культуры бяспекі жыццядзейнасці ў насельніцтва.

Для аказання дапамогі ў правядзенні пажарна-прафілактычнай працы ў дамах і кватэрах жыхароў раёна да расонскіх ратавальнікаў далучыліся работнікі Віцебскага абласнога ўпраўлення МНС. Працоўны дзень пачаўся з інструктажу асабовага складу аб неабходнасці выканання тэхнікі бяспекі пры абследаванні аб'ектаў жыллёвага фонду.

У рамках мерапрыемства арганізавана сумеснай праца суб'ектаў прафілактыкі ў гарадскім пасёлку Расоны, а таксама на тэрыторыях Краснапольскага і Сакалішчанскага сельскіх Саветаў працавалі аглядавыя камісіі. Ва ўказаных месцах таксама праводзілася індывідуальная пажарна-прафілактычная праца.

Пры наведванні домаўладанняў работнікі МНС нагадвалі грамадзянам аб неабходнасці выканання правіл пажарнай бяспекі, каб у доме не адбылося бяды. Расказалі аб правілах эксплуатацыі печанай ацяплення, электрасетак і электраабсталявання і неабходнасці ўстаноўкі аўтаномнага пажарнага апавяшчальніка.

Для зносін з насельніцтвам ратавальнікі выкарыстоўвалі розныя формы працы, у залежнасці ад катэгорыі грамадзян. Але нязменнай застаецца мэта, якую пераследуюць ратавальнікі пры рэалізацыі спецыяльнага прафілактычнага мерапрыемства «Дом без пажару» – зніжэнне колькасці пажараў у дамах і кватэрах, і гібелі людзей ад іх.