Анонс Рэспубліканскай акцыі «Бяспека – у кожны дом!»

З мэтай папярэджання пажараў і гібелі людзей ад іх з 23 студзеня па 10 лютага ва ўсіх гарадах і раёнах Віцебскай вобласці пройдзе рэспубліканская акцыя «Бяспека – у кожны дом!».

Асноўнымі прычынамі ўзнікнення надзвычайных сітуацый у жылым сектары па-ранейшаму застаюцца неасцярожнае абыходжанне з агнём, парушэнне правілаў эксплуатацыі печаў і электраабсталявання, а таксама дзіцячыя гульні з агнём. У большасці выпадкаў пажары з'яўляюцца вынікам бестурботнасці і грэбавання правіламі бяспекі. Мерапрыемствы акцыі пройдуць у тры этапы.

Першы этап пройдзе ў Цэнтрах бяспекі, наркалагічных дыспансерах, а таксама на базе апорных пунктаў грамадскага правапарадку з 23 студзеня па 27 студзеня, мэтавай аўдыторыяй стануць асобы, якія злоўжываюць алкаголем і вядуць асацыяльны лад жыцця.

Удзельнікамі другога этапу акцыі, які пройдзе з 30 студзеня па 8 лютага, стануць пажылыя грамадзяне з актыўнай жыццёвай пазіцыяй, жыхары сельскіх населеных пунктаў, навучэнцы старэйшых класаў школ.

З 9 па 10 лютага, у рамках трэцяга этапу, ратавальнікі правядуць мерапрыемствы ў месцах масавага знаходжання людзей: на адкрытых пляцоўках, рынках, у буйных гандлёвых і дзіцячых забаўляльных цэнтрах.