Увага! Тонкі лёд!

З мэтай зніжэння гібелі людзей ад утоплення з лёду, а таксама павышэння культуры бяспекі жыццядзейнасці ў насельніцтва ў перыяд з 10 па 16 сакавіка 2026 года на тэрыторыі Расонскага раёна будзе праводзіцца спецыяльнае прафілактычнае мерапрыемства «Тонкі лёд».

Каб не стаць ахвярай тонкага лёду, варта заўсёды выконваць простыя правілы паводзінаў і самае галоўнае – гэта не выходзіць на тонкі, неакрэплы лёд, які не дасягнуў таўшчыні ў 7 см.

Аб гэтых простых правілах павінен памятаць кожны дарослы і дзіця. Апошнім часам часцей у падобныя сітуацыі трапляюць дарослыя, чым дзеці, асабліва часта – аматары зімовай рыбалкі. Пры гэтым дзеці павінны выразна ўсведамляць, што выхад на лёд – гэта забарона, пры любых абставінах!

І так, перш чым спусціцца на лёд, варта надзець ратавальны камізэлька, узяць з сабой вяроўку даўжынёй 1,5-2м і жэрдку (дошку) – усё тое, на чым можна будзе ўтрымацца на паверхні, праверыць месца, дзе лёд прымыкае да берага – могуць быць прамоіны, снежныя наплывы, што закрываюць іх. Памятайце, ва ўтоках рэк трываласць лёду аслаблена з-за цячэнняў.

Што рабіць, калі ўсё ж такі Вы праваліліся пад лёд:

• Варта шырока раскінуць рукі па краях лёду, каб не апусціцца з галавой.
• Калі магчыма, перабярыцеся да таго краю палонкі, дзе цячэнне не зацягвае Вас пад лёд.
• Старайцеся не абламваць край, без рэзкіх рухаў выбірайцеся на лёд, поўзаючы грудзьмі і па чарзе выцягваючы на паверхню ногі, шырока іх расставіўшы.
• Прыраўноўвайце сваё цела да найбольш шырокай плошчы апоры.
• Выбраўшыся з палонкі, ні ў якім разе не ўставайце на ногі, а адкатывайцеся, поўзіце ў бок берага.

Калі вы бачыце, што чалавек праваліўся пад лёд:

• Неадкладна крыкніце яму, што ідзяце на дапамогу, паведаміце пра здарэнне ратавальнікам па тэл. 101 або 112.
• Паспрабуйце аказаць танучаму дапамогу, але памятайце, што рызыка павінна быць апраўданай і, калі вы разумееце, што пад рукой няма нічога з падручных сродкаў – жэрдкі, дошкі, шчыльнага шаліка – не рызыкуйце сваім жыццём, дачакайцеся прыезду ратавальнікаў.
• Калі ўпэўнены ў сваіх сілах, варта падпаўзці да чалавека і за 3-4 м ад яго падаваць (кідаць) яму сродак выратавання – жэрдку, шалік і інш.
• Падаўшы пацярпеламу падручны сродак, выцягніце яго на лёд і поўзкам рухайцеся ад небяспечнай зоны ў бок берага і чакайце ратавальнікаў.

МНС заклікае: не грэбуйце правіламі бяспекі і тады надзвычайная сітуацыя з вамі ніколі не адбудзецца.