Два чалавекі патанулі на Віцебшчыне

Здарэнні з гібеллю людзей на вадзе зафіксаваны ў горадзе Паставы і Полацкім раёне.

22 мая ў 6-21 пастаўскім ратавальнікам паступіла паведамленне аб неабходнасці аказання дапамогі ў даставанні цела патанулай жанчыны з калодзежа ў горадзе Паставы.

Здарэнне адбылося на тэрыторыі прыватнага домаўладання. Работнікі МНС дасталі з калодзежа, глыбінёй каля 7 метраў, цела гаспадыні падворка 1972 года нараджэння.

А сёння раніцай у 7-19 ад работнікаў міліцыі ратавальнікам паступіла паведамленне аб патанулым чалавеку ў рацэ Заходняя Дзвіна паблізу вёскі Шматава Полацкага раёна.

Прыбыўшы на месца здарэння, работнікамі МНС было ўстаноўлена, што цела патанулага чалавека знаходзіцца на адлегласці 15 метраў ад берага. На паверхню яго дасталі работнікі МНС.

З абставін вядома, што патанулы, мужчына-пенсіянер 1964 года нараджэння, яшчэ ў сакавіку адправіўся на рыбалку. Яго аўтамабіль быў знойдзены раней каля ракі, а сам мужчына не знойдзены.

Па абедзвюх фактах утопленняў следчымі органамі праводзяцца праверачныя дзеянні.

З пачатку года ў Віцебскай вобласці патанулі 30 чалавек, гэта на 20 выпадкаў больш, чым за аналагічны перыяд мінулага года. Ратавальнікі заклікаюць грамадзян да свядомасці і выканання правілаў бяспекі пры рыбалцы, а таксама пры адпачынку ля вады.

Галерэя выяў