На пажары ў Камянецкім раёне Брэсцкай вобласці загінулі двое дзяцей

Трагедыя адбылася раніцай 23 мая ў вёсцы Амелянец.

Папярэдне ўстаноўлена, што падчас пажару ў доме знаходзіліся двое малалетніх дзяцей 2022 і 2024 гадоў нараджэння.

Рабоўнікамі МНС аказана псіхалагічная дапамога сваякам загінулых. Прычына і абставіны здарэння высвятляюцца.

Трагедыя на вадзе адбылася ў Віцебскім раёне: у садовым таварыстве патанула дзіця

24 мая ў садовым таварыстве «Аграхімік» Віцебскага раёна патануў хлопчык 2018 года нараджэння. Па папярэдняй інфармацыі, хлопчык разам з кампаніяй дзяцей адправіўся да вадаёма-капані, дзе і адбылася трагедыя.

Галоўнае правіла для ўсіх бацькоў – не пакідаць малалетніх дзяцей без нагляду, нават на кароткі час! 

Наперадзе летнія канікулы. Не дайце свайму дзіцяці стаць часткай сумнай статыстыкі. Забяспечце бяспечныя ўмовы пражывання для вашага дзіцяці: не эксплуатуйце няспраўнае печнае ацяпленне, электраправодку і электрапрыборы, выключыце курэнне ў доме. Будзьце прыкладам для дзіцяці і выконвайце правілы бяспекі. Усталюйце ў доме аўтаномны пажарны апавяшчальнік і сачыце за яго працаздольнасцю. Гэты прыбор зможа папярэдзіць аб узнікненні пажару на ранняй стадыі і нават разбудзіць ноччу!

Растлумачце сваім дзецям наступствы купання і гульняў у небяспечных месцах, такіх як вадаёмы, кар'еры, будоўлі і інш. Калі сталі сведкам небяспечнай сітуацыі з удзелам дзяцей, ніколі не праходзьце міма.

Памятайце: галоўная задача дарослых – забяспечыць бяспеку сваіх дзяцей, захаваць іх жыццё і здароўе! 

Галерэя выяў