Адзіны дзень інфармавання прайшоў у Расонскім раённым аддзеле па надзвычайных сітуацыях

Начальнік сектара ўласнай бяспекі Віцебскага абласнога ўпраўлення МНС Дзмітрый Андронаў прыняў удзел у Адзіным дні інфармавання у Расонскім раённым аддзеле па надзвычайных сітуацыях.

Дзмітрый Уладзіміравіч выступіў перад асабовым складам аддзела на тэму «Адукацыя і навука – рухаючыя сілы развіцця грамадства і дзяржавы». У сваім выступленні ён адзначыў, што найважнейшым фактарам, рухаючай сілай развіцця грамадства і дзяржавы ў сучасных умовах з'яўляецца інтэлектуальны патэнцыял чалавека, які з уласцівівымі яму здольнасцямі, ведамі і магчымасцю творча і нестандартна вырашаць пастаўленыя задачы становіцца залогам поспеху ў любых намечаных мэтах.

Таксама Дзмітрый Андронаў у размове са ратавальнікамі асобна спыніўся на пытанні стану дысцыпліны і няўхільным выкананні заканадаўства, як пры выкананні службовых абавязкаў, так і ў вольны ад службы час.

Прадстаўнік Расонскага раённага аддзела ўнутраных спраў Павел Сідорык даў інфармацыю аб кіберзлачыннасці, прывёў прыклады парушэння заканадаўства ў сферы абароту і спажывання наркатычных сродкаў, псіхатропных рэчываў, іх прэкурсораў і аналагаў, на тэрыторыі Расонскага раёна, аб ходзе расследавання такіх злачынстваў, а таксама аб адказнасці за здзяйсненне гэтых дзеянняў.

Яшчэ адным спікерам мерапрыемства стаў Валерый Зубаў – урач-псіхіятр-нарколаг установы аховы здароўя «Расонская цэнтральная раённая бальніца». Валерый Сяргеевіч даў прысутным інфармацыю па выяўленні і прадухіленні выпадкаў суіцыду.

Пасля чаго, прысутныя праглядзелі відэафільм аб важных грамадска-палітычных падзеях у нашай краіне і за яе межамі, а таксама аб мерапрыемствах, якія праводзяцца Міністэрствам па надзвычайных сітуацыях.

Галерэя выяў