Расонскія ратавальнікі ўзялі ўдзел у пасадцы лесу

Супрацоўнікі Расонскага раённага аддзела па надзвычайных сітуацыях і аддзела ўнутраных спраў Расонскага раённага выканаўчага камітэта прынялі ўдзел у рэспубліканскай акцыі «Дай лесу навое жыццё!».

Пасадка лесу стала ўжо добрай традыцыяй для работнікаў МНС. Нягледзячы на неспрыяльныя ўмовы надвор'я, работнікі Расонскага раённага аддзела не засталіся ўбаку і ў гэты раз.

Перад пачаткам работы прадстаўнікамі лясной гаспадаркі быў праведзены інструктаж па тэхніцы бяспекі пры пасадцы дрэў, а таксама даведзена тэхналогія правільнай высадкі саджанцаў. Узброіўшыся рабочым інвентаром і размеркаваўшы абавязкі, удзельнікі акцыі прыступілі да работы. Кожны саджанец быў пасаджаны з любоўю і надзеяй на тое, што тут будзе ўзвышацца цудоўны лес.

Пасля завяршэння пасадкі ўдзельнікі акцыі атрымалі падзячныя словы ад арганізатараў і зрабілі агульнае фота. Але кожны з'ехаў з пачуццём гордасці і разуменнем, што будучыню мы ствараем ужо зараз, і азеляненне нашай радзімы толькі ў нашых руках.

Галерэя выяў