На пажары ў Расонскім раёне насельніцтвам выратаваны два чалавекі

11 ліпеня а 19-21 ратавальнікам паступіла паведамленне аб пажары дома ў вёсцы Мычулішча Расонскага раёна. Прыбыўшы на месца здарэння, назіралася адкрытае гарэнне дома і гаспадарчай пабудовы. Убачыўшы дым, сусед пабег да дома і пранік унутр, у сенцах на падлозе мужчына ўбачыў гаспадара дома і яго жонку, якія былі дэзарыентаваны і самастойна пакінуць жыллё не маглі. Мужчына вывеў сямейную пару на свежае паветра. Гаспіталізацыя ім не спатрэбілася. У выніку пажару ў доме знішчаны дах, столявае перакрыцце і маёмасць. Па факце пажару праводзіцца праверка, па папярэдняй версіі да пажару прывяло неасцярожнае абыходжанне з агнём пры курэнні выратаваным мужчынам.

Галерэя выяў

•