Бяспека дзяцей на вадаёмах

Асаблівы акцэнт хочацца зрабіць на бяспецы падлеткаў ля вадаёмаў. Яны часам паводзяць сябе занадта бестурботна, самаўпэўнена, бегаюць і сваволяць ля вады, не адчуваючы ніякай небяспекі. Бацькі павінны разумець, што, колькі б ні было гадоў дзіцяці, будзь ён дашкольнікам ці вучнем, ён не павінен знаходзіцца ля вады без нагляду дарослых. І менавіта бацькі абавязаны пагаварыць з дзецьмі пра ўсё, што можа адбыцца, папярэдзіць пра небяспеку і растлумачыць наступствы.

Важна! Правілы для бацькоў:

- не адпускайце дзіця на пляж аднаго;

- не выпускайце яго з-пад увагі, калі ён плавае (не варта спадзявацца на тое, што дзіця ўжо вялікае і выдатна плавае);

- выбірайце абсталяваны пляж, бо там дзяжураць ратавальнікі.

ГІБЕЛЬ ДЗЕЦЕЙ НА ВАДАЁМАХ

Яшчэ раз акцэнтуем увагу на тым, што самае галоўнае, пра што павінны памятаць бацькі – дзеці не павінны знаходзіцца ля вады без нагляду. Гэта правіла, якому ўсе дарослыя абавязаны няўхільна прытрымлівацца. На жаль, часта на вадзе тонуць малалетнія дзеці, пакінутыя без нагляду дарослых.

Важна! Не выпускайце з-пад увагі дзяцей, якія гуляюць ля вадаёмаў. Лепш за ўсё, калі дзіця будзе гуляць на вадзе з дарослымі - толькі так можна цалкам быць упэўненымі ў яго бяспецы. Калі вы не ўдзельнічаеце ў гульнях, сачыце, каб дзіця было ў межах вашай бачнасці.

Паважаныя бацькі! Лета – цудоўны час для адпачынку, пазітыўных эмоцый, яркіх уражанняў. Але гэта і самы траўманебяспечны перыяд для дзяцей. Таму зрабіце ўсё, каб уберагчы свайго дзіця ад непрыемнасцей. Паспрабуйце максімальна ўбяспечыць ваш адпачынак, будзьце побач са сваімі дзецьмі і беражыце іх.