Пажаранебяспечны сезон: грэемся бяспечна

Згодна статыстыцы, пажары з-за няспраўных або няправільна эксплуатаваных печаў адбываюцца ў асенне-зімовы перыяд практычна штодня.

Асноўныя патрабаванні пажарнай бяспекі, якія неабходна выконваць грамадзянам для выключэння пажару пры эксплуатацыі печаў, рэгламентаваны правіламі пажарнай бяспекі:

1. Не дапускаецца эксплуатацыя няспраўнай печы! Печ павінна быць правільна складзена і спраўная – гэта галоўнае!
2. Дымавая труба печы павінна перыядычна ачышчацца ад сажы (зыходзячы з умоў эксплуатацыі), але не радзей аднаго разу ў год. Ачыстка можа ажыццяўляцца як самастойна ўласнiкам жылога дома, дзе размешчана печ, так і з прыцягненнем спецыялізаваных арганізацый.

Пры эксплуатацыі печаў не дапускаецца:

– ажыццяўляць топку пры наяўнасці абвальвання мура печы для паліва;

– ужываць для распальвання лёгкаўзгаральныя і гаручыя вадкасці (бензін, газа, дызельнае паліва і падобныя);

– ажыццяўляць топку з адкрытымі дзверцамі, за выключэннем выпадкаў, калі канструкцыя печы прадугледжвае яе топку з адкрытай камерай для паліва (напрыклад, «руская печ», камін);

– яе перакалванне;

– размяшчаць гаручыя рэчывы і матэрыялы на ёй або на адлегласці, здольнай прывесці да іх узгарання;

– ажыццяўляць топку вуглём, коксам і газам печы, не прызначанай для гэтых відаў паліва;

– пакідаць без нагляду печ, якая топіцца.

Таксама печ, паверхні дымавой трубы і сцен, у якіх праходзяць дымавыя каналы, павінны быць спраўнымі, без скразных расколін, а для вызначэння на ранняй стадыі расколін у дымаходзе ў аб'ёме гарышчнага памяшкання – атынкаваныя і пабеленыя. Штогод перад ацяпляльным сезонам неабходна візуальна праводзіць праверку спраўнасці печы, дымавой трубы (каналаў). Попел, вуголле і шлак, выдаленыя з печы, павінны быць праліты вадой да іх поўнага згасання.