Паход у лес павінен быць бяспечным

Каб дапамагчы грамадзянам арыентавацца ў лесе, ратавальнікі ўсталявалі спецыяльныя паказальнікі ў выглядзе стрэлак, якія ўказваюць напрамак і адлегласць да найбліжэйшага населенага пункта. Яны афарбаваны ў чырвоны колер і знаходзяцца ў тых месцах, дзе часцей за ўсё губляюцца людзі.

Гэта лясныя масівы каля вёсак Юхавічы, Забор'е Краснапольскага сельскага Савета, Байдзіна, Рудня Янковіцкага сельскага Савета, Марыніца, Шчаперня. Пакуль устаноўлена сем такіх паказальнікаў, пад кожным з якіх знаходзіцца памятка з рэкамендацыямі для заблудзілага грамадзяніна. Кожная стрэлка мае свой нумар, ведаючы які, работнікі МНС па каардынатах могуць аператыўна знайсці чалавека, які згубіўся ў лесе.

Рэкамендацыі перад паходам у лес:

1. Апранайце яркае, зручнае, непрамакальнае адзенне і абутак;

2. Вазьміце з сабой тэлефон (навігатар, компас), ваду, лекі, прадукты, запалкі, нож;

3. Не адпраўляйцеся ў лес у адзіночку;

4. Звяртайце ўвагу на ўмовы надвор'я, у пахмурную надвор'е паход лепш адкласці;

5. Паведаміце сваякам аб маршруце і часе вяртання.

Што рабіць, калі заблудзіліся:

1. Супакойцеся, спыніцеся і паспрабуйце ўспомніць дарогу;
2. Паведаміце свае прыблізныя арыенціры (каля якога населенага пункта, адкуль заходзілі ў лес, з якой вёскі, дарогі, ракі, возера, ці чуваць шум машын ці цягніка і г.п., ці ёсць побач паляўнічая вышка, нумараваная апора лініі электраперадач, нумараваны квартальны слуп, паведаміце звесткі, пазначаныя на іх). Эканомце зарад батарэі тэлефона. Тэлефон выкарыстоўвайце толькі для размоваў з асобамі, якія маюць дачыненне да вашага пошуку;
3. Уважліва агледзіцеся па баках. Калі вам выразна бачная дарога, выйдзіце на яе. Тут вас лягчэй будзе знайсці. Але памятайце, што не трэба бегаць і шукаць яе паўсюль. Сыходзьце з вашага месца, толькі калі выразна бачыце дарогу ці чыгуначныя шляхі прама перад сабой;
4. Калі ўдалося выйсці на лінію электраперадач, чыгунку, на лясную дарогу, вы, рана ці позна, трапіце да людзей;

5. Калі вы ўжо паведамілі сваякам, знаёмым і дакладна ведаеце, што яны ўжо пачалі вас шукаць, заставайцеся на месцы, калі ёсць запалкі, то раскладзіце вогнішча, лепш запальваць некалькі маленькіх вогнішчаў, чым ад