Праведзен маніторынг стану пажарнай бяспекі ДУА «Дзіцячы сад № 1 г.п. Расоны».

У маі 2024 года работнікамі Расонскага раённага аддзела па надзвычайных сітуацыях праведзены маніторынг стану пажарнай бяспекі ДУА «Дзіцячы сад № 1 г.п. Расоны» (кіраўнік – Крыжэвіч Л.Ю.).

Па выніках правядзення маніторынгу выяўлены парушэнні патрабаванняў пажарнай бяспекі, якія не ствараюць пагрозу нацыянальнай бяспецы, прычынення шкоды жыццю і здароўю насельніцтва, навакольнаму асяроддзю, а менавіта:

агульнааб'ектная інструкцыя па пажарнай бяспецы не адпавядае патрабаванням;

не забяспечана падрыхтоўка работнікаў аб'екта па праграмах пажарна-тэхнічнага мінімуму (адказных за пажарную бяспеку, на якіх ускладзены абавязкі па правядзенні супрацьпажарнага інструктажу);

вышыня парогаў у дзвярах эвакуацыйных выхадаў складае больш за 0,06 м.

МНС нагадвае, што ў адпаведнасці з арт. 20 Закона РБ «Аб пажарнай бяспецы» кіраўнікі арганізацый павінны забяспечваць пажарную бяспеку і супрацьпажарны рэжым у адпаведных арганізацыях.