Праведзен маніторынг крамы «Космас» ТАА «Вітпрамгандаль»

У жніўні 2024 года работнікамі аддзела праведзены маніторынг крамы «Космас» ТАА «Вітпрамгандаль». Пры правядзенні маніторынгу выяўлены наступныя парушэнні:

не забяспечана падрыхтоўка работнікаў аб'екта, адказных за пажарную бяспеку, на якіх ускладзены абавязкі па правядзенні супрацьпажарнага інструктажу, па праграмах пажарна-тэхнічнага мінімуму ў адпаведнасці з патрабаваннямі Міністэрства па надзвычайных сітуацыях;

з работнікамі не праведзены супрацьпажарныя інструктажы з выкарыстаннем агульнааб'ектнай інструкцыі па пажарнай бяспецы;

не арганізавана распрацоўка агульнааб'ектнай інструкцыі па пажарнай бяспецы;

не забяспечана працаздольнасць і спраўнасць сродкаў супрацьпажарнай абароны і пажаратушэння, а таксама пастаянная гатоўнасць да прымянення гэтых сродкаў (у вогнетушыцелі АП-4, размешчаным у гандлёвай зале, сарвана пломба, стрэлка на манометры знаходзіцца ў чырвоным сектары);

на аб'екце адсутнічае стэнд з інфармацыяй аб пажарнай бяспецы;

аб'ект не забяспечаны першаснымі сродкамі пажаратушэння ў адпаведнасці з нормамі, якія вызначаюцца Міністэрствам па надзвычайных сітуацыях (неабходна дадаць 4 АП-8 у гандлёвай зале);

не забяспечана магчымасць свабоднага адкрыцця знутры без ключа замкаў (запораў) на дзвярах, размешчаных на шляхах эвакуацыі (знешнія эвакуацыйныя дзверы на галоўным уваходзе);

месцы размяшчэння вогнетушыцеляў, ручных пажарных апавяшчальнікаў у будынку не пазначаны знакамі пажарнай бяспекі ў адпаведнасці з ДАСТ 12.4.026-2015 «Колеры сігнальныя, знакі бяспекі і разметка сігнальная. Прызначэнне і правілы прымянення. Агульныя тэхнічныя патрабаванні і характарыстыкі. Метады выпрабаванняў»;

не забяспечана тэхнічнае абслугоўванне сістэмы пажарнай сігналізацыі;

не распрацаваны і не зацверджаны графік правядзення рэгламентных работ па тэхнічным абслугоўванні сістэм аўтаматычнай пажарнай сігналізацыі, апавяшчэння аб пажары;

не забяспечана фіксацыя работ па тэхнічным абслугоўванні сістэмы ў журнале рэгістрацыі работ па тэхнічным абслугоўванні і бягучым рамонце;

не забяспечана правядзенне кантролю за якасцю работ па тэхнічным абслугоўванні сістэм;

вышыня парогаў у дзвярах эвакуацыйных выхадаў з будынка складае больш за 0,06 м (галоўны і запасны выхады з будынка);

не забяспечаны на аб'екце 10% запас пажарных апавяшчальнікаў, п. 8.3.11 ТКП 316-2011.

Па выніках маніторынгу ў адрас ТАА «Вітпрамгандаль» накіраваны рэкамендацыі аб ліквідацыі парушэнняў.