Праведзена абследаванне месцаў правядзення навагодніх мерапрыемстваў

У снежні 2024 года работнікамі Расонскага раённага аддзела па надзвычайных сітуацыях праведзены кантроль (нагляд) з выкарыстаннем мер прафілактычнага і папераджальнага характару месцаў правядзення навагодніх мерапрыемстваў ва ўстановах дашкольнай і агульнай сярэдняй адукацыі па пытаннях выканання супрацьпажарнага рэжыму, стану эвакуацыйных шляхоў і выхадаў.

У ходзе правядзення мерапрыемстваў устаноўлены парушэнні патрабаванняў пажарнай бяспекі, у тым ліку раней выяўленыя ў ходзе папярэдніх наглядных мерапрыемстваў (якія патрабуюць значных матэрыяльных затрат):

ДУА «Расонская сярэдняя школа імя П.М.Машэрава»

не забяспечана працаздольнасць і спраўнасць сродкаў супрацьпажарнай абароны і пажаратушэння, а таксама пастаянная гатоўнасць да прымянення гэтых сродкаў (сістэма пажарнай аўтаматыкі знаходзіцца ў няспраўным і непрацаздольным стане);

не забяспечаны 10 % запас апавяшчальнікаў кожнага тыпу ад колькасці змантаваных;

у памяшканнях устаноўлены пажарныя апавяшчальнікі без уліку віду пажарнай нагрузкі, прызначэння памяшкання, дамінуючага фактару пажару на пачатковай стадыі, вышыні памяшкання;

адсутнічаюць апавяшчальнікі ва ўсіх памяшканнях пастаяннага і часовага знаходжання людзей;

светлавы ўказальнік «Выхад» у памяшканні сталовія ўстаноўлены на адлегласці больш за 0,5 м над дзвярным праёмам эвакуацыйнага выхаду;

светлавыя ўказальнікі «Выхад» (у актавай (люстраной) зале на першым паверсе, у калідоры харчаблока) размешчаны на вышыні менш за 2,2 м без абароны ад механічных пашкоджанняў;

дапускаецца ўстаноўка пажарных апавяшчальнікаў і ручных пажарных апавяшчальнікаў у адну групу (шлейф 1, 8, 12, 14, 17, 18 праект 46.06 ПС).

ДУА «Краснапольская сярэдняя школа імя С.І.Жукава Расонскага раёна»

сістэмы пажарнай аўтаматыкі знаходзяцца ў няспраўным стане (АКБ у прыборы прыёмна-кантрольным пажарным знаходзіцца ў няспраўным стане);

не забяспечана магчымасць свабоднага адкрывання знутры без ключа замкаў (запораў) на дзвярах, размешчаных на шляхах эвакуацыі (дзверы запаснага выхаду на лесвічную клетку з глядзельнай залы);

у памяшканнях устаноўлены пажарныя апавяшчальнікі без уліку віду пажарнай нагрузкі, прызначэння памяшкання, дамінуючага фактару пажару на пачатковай стадыі, вышыні памяшкання (у навучальных класах устаноўлены цеплавыя пажарныя апавяшчальнікі);

адсутнічаюць апавяшчальнікі ва ўсіх памяшканнях пастаяннага і часовага знаходжання людзей (акрамя тэхнічных памяшканняў, мыльных, кладовых і санітарных вузлоў плошчай менш за 8м2).

ДНУ «Сакалішчанскі дзіцячы сад Расонскага раёна»

у дзвярах эвакуацыйных выхадаў на лесвічную клетку з 1-га і 2-га паверхаў адсутнічаюць прыстасаванні для самазачынення і ўшчыльнення ў прытворах.

ДНУ «Клясціцкая сярэдняя школа імя В.А.Хомчэноўскага Расонскага раёна» (будынак садка)

у будынку для пакрыцця падлог ужыты будаўнічыя матэрыялы з непацверджанымі пажарна-тэхнічнымі характарыстыкамі (падлогі пакрыты лінолеумам).

ДНУ «Дзіцячы сад № 1 г.п. Расоны»

у будынку для пакрыцця падлог ужыты будаўнічыя матэрыялы з непацверджанымі пажарна-тэхнічнымі характарыстыкамі (падлогі пакрыты лінолеумам).

ДНУ «Дзіцячы сад № 3 г.п. Расоны»

у будынку для пакрыцця падлог ужыты будаўнічыя матэрыялы з непацверджанымі пажарна-тэхнічнымі характарыстыкамі (падлогі пакрыты лінолеумам);

аўтаматычная пажарная сігналізацыя не адпавядае праектнай дакументацыі (замест прыёмна-кантрольнага прыбора Аларм-5 устаноўлены ПС8-МС; адсутнічаюць пажарныя датчыкі ў кладавой 3 групы, у калідоры да музычнага кабінета, у калідоры да кабінета дэфектолага, у кладавой 1 групы; замест цеплавых пажарных датчыкаў устаноўлены дымавыя пажарныя датчыкі).

ДНУ «Дзіцячы сад № 4 г.п. Расоны»

у будынку для пакрыцця падлог ужыты будаўнічыя матэрыялы з непацверджанымі пажарна-тэхнічнымі характарыстыкамі (падлогі пакрыты лінолеумам);

аўтаматычная пажарная сігналізацыя не адпавядае праектнай дакументацыі.

МНС нагадвае, што ў адпаведнасці з арт. 20 Закона РБ «Аб пажарнай бяспецы» кіраўнікі арганізацый павінны забяспечваць пажарную бяспеку і супрацьпажарны рэжым у адпаведных арганізацыях.