Праведзены маніторынгі

У ліпені 2025 года работнікамі Расонскага раённага аддзела па надзвычайных сітуацыях праведзены маніторынг стану пажарнай бяспекі ТАА «Санаторый-прафілакторый «Лясное-Рудня»» (кіраўнік – Каралёва В.А.).

Пры правядзенні маніторынгу ТАА «Санаторый-прафілакторый «Лясное-Рудня»» выяўлены наступныя парушэнні:

не забяспечана падрыхтоўка работнікаў, адказных за падрыхтоўку і (або) правядзенне вогневых работ, выканаўцаў вогневых работ па праграме № 2 пажарна-тэхнічнага мінімуму; работнікаў, якія ажыццяўляюць эксплуатацыю цеплагенеравальных апаратаў па праграме № 3 пажарна-тэхнічнага мінімуму;

у будынках, прызначаных для часовага пражывання людзей, на бачных месцах адсутнічаюць схематычныя планы індывідуальнай эвакуацыі людзей з адпаведнага паверха, памяткі з патрабаваннямі правілаў пажарнай бяспекі для пражываючых і дзеяннямі на выпадак узнікнення пажару;

не праведзена праверка стану вонкавага супрацьпажарнага водазабеспячэння ў парадку, які вызначаецца Міністэрствам па надзвычайных сітуацыях (пажарнага вадаёма);

не забяспечана магчымасць свабоднага адкрывання знутры без ключа замкаў (запораў) на дзвярах, размешчаных на шляхах эвакуацыі (знешнія дзверы доміка «Горны», знешнія дзверы летняй кухні, знешнія дзверы санузла, знешнія дзверы корпуса, дзверы вытворчых будынкаў);

месцы размяшчэння ручных пажарных апавяшчальнікаў не пазначаны знакамі пажарнай бяспекі ў адпаведнасці з ДАСТ 12.4.026-2015 «Колеры сігнальныя, знакі бяспекі і разметка сігнальная. Прызначэнне і правілы прымянення. Агульныя тэхнічныя патрабаванні і характарыстыкі. Метады выпрабаванняў» (у будынку кафэ, у кацельні, у доміку «Лясны», у доміку «Горны»);

месцы размяшчэння вогнетушыцеляў не пазначаны знакамі пажарнай бяспекі ў адпаведнасці з ДАСТ 12.4.026-2015 «Колеры сігнальныя, знакі бяспекі і разметка сігнальная. Прызначэнне і правілы прымянення. Агульныя тэхнічныя патрабаванні і характарыстыкі. Метады выпрабаванняў»;

вогнетушыцелі ў будынках размешчаны на падлозе;

не забяспечана працаздольнасць і спраўнасць сродкаў супрацьпажарнай абароны і пажаратушэння, а таксама пастаянная гатоўнасць да прымянення гэтых сродкаў (аўтаномныя пажарныя апавяшчальнікі ў лазні, у вартаўнічай, у тэнісным зале патрабуюць замены элементаў харчавання; 2 святловыя ўказальнікі «Выхад» у кафэ патрабуюць замены АКБ);

не забяспечана працаздольнасць і спраўнасць сродкаў проціпажарнай абароны і пажаратушэння, а таксама пастаянная гатоўнасць да прымянення гэтых сродкаў (у будынку дроўніка вогнетушыцель АП-4 не перазараджаны);

не вызначаны катэгорыі па выбухапажарнай і пажарнай небяспецы будынкаў, якія катэгарызуюцца па выбухапажарнай і пажарнай небяспецы;

аб'ект не забяспечаны першаснымі сродкамі пажаратушэння ў адпаведнасці з нормамі, якія вызначаюцца Міністэрствам па надзвычайных сітуацыях (недастаткова вогнетушыцеляў у будынках, у тэхніцы (трактары));

у корпусе дэмантаваныя дзверы, якія вядуць з лесвічнай клеткі на 2-гі паверх будынка;

дымавыя каналы цеплаёмістай печы ў лазні ў межах гарышчанскага памяшкання не атынкаваны і не пабелены;

не забяспечана працаздольнасць і спраўнасць сродкаў проціпажарнай абароны і пажаратушэння, а таксама пастаянная гатоўнасць да прымянення гэтых сродкаў (дэмантаваныя сістэмы пажарнай аўтаматыкі ў корпусе);

у будынках адсутнічаюць планы эвакуацыі людзей пры пажары (кафэ, лазня, тэнісны зала, корпус);

апавяшчальнікі часткова ўстаноўлены на вышыні менш за 2,2 м ад узроўню падлогі да іх ніжняй часткі без абароны ад механічных пашкоджанняў (у будынку кафэ, у доміку № 1, у доміку № 2, у доміку «Лясны», у доміку «Горны»);

не забяспечаны на аб'екце 10% запас пажарных апавяшчальнікаў.

Таксама выяўлены парушэнні капітальнага характару (рэкамендаваныя да выканання):

у корпусе для аздаблення сцен, столяў, падлог у калідорах, лесвічных клетках будынка ўжываюцца матэрыялы (драўніна, палімерныя матэрыялы, лінолеум) з непацверджанымі пажарна-тэхнічнымі характарыстыкамі;

у корпусе эвакуацыйная шырыня калідора на 2-м паверсе складае менш за 1 м з улікам двухбаковага размяшчэння дзвярэй;

шырыня эвакуацыйных выхадаў з памяшканняў 2-га паверха корпуса складае менш за 0,8 м.

МНС нагадвае, што ў адпаведнасці з арт. 20 Закона РБ «Аб пажарнай бяспецы» кіраўнікі арганізацый павінны забяспечваць пажарную бяспеку і супрацьпажарны рэжым у адпаведных арганізацыях.