Рэалізуем сродкі забеспячэння пажарнай бяспекі і пажаратушэння правільна

Згодна з пунктам 88 ТР на прадукцыю павінна наносіцца маркіроўка, якая змяшчае інфармацыю аб найменні, тыпе (відзе), марцы, мадэлі, прызначэнні, асноўных тэхнічных параметрах і характарыстыках, таварны знак і (або) найменне вытворцы, а таксама аб краіне-вытворцы.

Тэхнічны рэгламент Еўразійскага эканамічнага саюза «Аб патрабаваннях да сродкаў забеспячэння пажарнай бяспекі і пажаратушэння» (ТР ЕАЭС 043/2017) (далей – ТР) устанаўлівае абавязковыя для прымянення і выканання на тэрыторыях дзяржаў-членаў Еўразійскага эканамічнага саюза, у тым ліку Рэспублікі Беларусь патрабаванні да сродкаў забеспячэння пажарнай бяспекі і пажаратушэння (далей – прадукцыя), а таксама патрабаванні
да маркіроўкі гэтых сродкаў для забеспячэння іх свабоднага перамяшчэння на тэрыторыях гэтых дзяржаў.

Згодна з пунктам 88 ТР на прадукцыю павінна наносіцца маркіроўка, якая змяшчае інфармацыю аб найменні, тыпе (відзе), марцы, мадэлі, прызначэнні, асноўных тэхнічных параметрах і характарыстыках, таварны знак і (або) найменне вытворцы, а таксама аб краіне-вытворцы.

Такая маркіроўка павінна быць нанесена на рускай і (або) беларускай мове. Калі маркіроўку немагчыма нанесці непасрэдна на прадукцыю, то маркіроўка павінна быць нанесена на ўпакоўку і ўнесена ў тэхнічную дакументацыю (пашпарт, кіраўніцтва па эксплуатацыі і г.п.), якая пастаўляецца з прадукцыяй.

Прадукцыя, указаная ў дадатку да ТР, падлягае абавязковаму пацвярджэнню адпаведнасці патрабаванням гэтага рэгламенту ў форме сертыфікацыі або дэкларавання (формы пацвярджэння таксама паказаны ў дадатку да ТР).

Пацвярджэнне працэдур абавязковай ацэнкі адпаведнасці і наяўнасць дакументаў аб ацэнцы адпаведнасці прадукцыі, пры яе продажы ажыццяўляецца адным з наступных спосабаў*:

наяўнасцю на прадукцыі і (або) на яе спажывецкай упакоўцы маркіроўкі адзіным знакам абарачэння прадукцыі на рынку Еўразійскага эканамічнага саюза «» або «» (далей – знак ЕАС), падпісанымі сертыфікатамі адпаведнасці або дэкларацыямі аб адпаведнасці, або іх электроннымі формамі, засведчанымі электронным лічбавым подпісам, або іх копіямі, засведчанымі пастаўшчыкамі (вытворцамі) прадукцыі, або ксеракопіямі, выкананымі з іх арыгіналаў;

наяўнасцю на прадукцыі і (або) на яе спажывецкай упакоўцы маркіроўкі адзіным знакам ЕАС, указаннем у суправаджальных дакументах, якія пацвярджаюць набыццё (паступленне) прадукцыі, рэгістрацыйных нумароў сертыфікатаў адпаведнасці або дэкларацый аб адпаведнасці ў адзіным рэестры выдадзеных сертыфікатаў адпаведнасці і зарэгістраваных дэкларацый аб адпаведнасці, дат рэгістрацыі і спынення дзеяння (тэрмінаў дзеяння) гэтых дакументаў з прадастаўленнем магчымасці спажыўцу па яго просьбе ўпэўніцца ў наяўнасці інфармацыі аб гэтых дакументах у адзіным рэестры выдадзеных сертыфікатаў адпаведнасці і зарэгістраваных дэкларацый аб адпаведнасці.

Згодна з пунктам 118 ТР знак ЕАС наносіцца на кожную адзінку прадукцыі і павінен быць выразнай і яснай выявай на працягу ўсяго тэрміну службы сродкі забеспячэння пажарнай бяспекі і пажаратушэння, а таксама на тэхнічную дакументацыю і ўпакоўку.

Выпуск у абарачэнне (рэалізацыя, прапанова да рэалізацыі) прадукцыі на тэрыторыі Рэспублікі Беларусь без дакументаў аб ацэнцы яе адпаведнасці патрабаванням ТР, а таксама прадукцыі з парушэннем патрабаванняў гэтага рэгламенту (у тым ліку без маркіроўкі (не поўнай маркіроўкі) і (або) знака ЕАС) у адпаведнасці з часткай 1 артыкула 24.7 і часткай 1 артыкула 24.8 Кодэкса Рэспублікі Беларусь аб адміністрацыйных правапарушэннях цягнуць накладанне штрафу ў памеры да 15 базавых велічынь на службовую асобу, на індывідуальнага прадпрымальніка – да 100% ад кошту прадукцыі, а на юрыдычную асобу – да 100% ад кошту прадукцыі.

Для выключэння пару

Найменне прадукцыі і (або) вобласць яе прымянення з'яўляюцца асноўным крытэрыем аднясення прадукцыі да аб'екта тэхнічнага рэгулявання ТР ЕАЭС 043/2017.

Дадатковую інфармацыю альбо кансультацыю можна атрымаць
у работнікаў сектара нагляду і прафілактыкі Расонскага РАНС па адрасе: г.п. Расоны. вул. Машэрава, 15, або па тэлефоне 8 (02159) 5 15 43.

Расонскі РАНС