Аб правядзенні маніторынгу УП ЖКГ

У лютым 2024 года работнікамі Расонскага раённага аддзела па надзвычайных сітуацыях праведзены маніторынг стану пажарнай бяспекі УП ЖКГ Расонскага раёна (гатэль «Расоны» і інтэрнат) (кіраўнік – Бабык Яўген Адамавіч).

Па выніках правядзення маніторынгу выяўлены парушэнні патрабаванняў пажарнай бяспекі, устаноўленыя ў ходзе папярэдняга маніторынгу, якія не ствараюць пагрозу нацыянальнай бяспецы, прычынення шкоды жыццю і здароўю насельніцтва, навакольнаму асяроддзю, а менавіта:

планы эвакуацыі людзей пры пажары ў будынках гатэля і інтэрната не адпавядаюць патрабаванням, а таксама план эвакуацыі на 1 паверсе будынка гатэля размешчаны не на бачным месцы;

будынкі гатэля і інтэрната не забяспечаны першаснымі сродкамі пажаратушэння ў адпаведнасці з нормамі, якія вызначаюцца Міністэрствам па надзвычайных сітуацыях;

месцы размяшчэння вогнетушыцеляў у будынках гатэля і інтэрната не пазначаны знакамі пажарнай бяспекі ў адпаведнасці з ДАСТ 12.4.026-2015;

для ўнутранага аздаблення шляхоў эвакуацыі (у калідоры 3 паверха будынка гатэля) прымяняюцца будаўнічыя матэрыялы з непацверджанымі пажарна-тэхнічнымі характарыстыкамі;

пакрыццё дываноў на шляху эвакуацыі (у калідоры 2 паверха будынка гатэля) не прымацавана да падлогі, а таксама не забяспечвае ўстаноўленыя ТНПА паказчыкі пажарнай небяспекі;

дыманепранікальныя дзверы ў будынку інтэрната эксплуатуюцца не ў адпаведнасці з эксплуатацыйнай дакументацыяй (дэмантаваныя прылады для адкрывання-закрывання дзвярэй, дзвярныя ручкі, цыліндры з баранкамі на 1,2,3,5 паверхах будынка);

не забяспечана працаздольнасць і спраўнасць сродкаў проціпажарнай абароны і пажаратушэння, а таксама пастаянная гатоўнасць да прымянення гэтых сродкаў у будынку гатэля і інтэрната (у будынку гатэля не перазараджаны вогнетушыцелі на 1,2,3 паверхах, у будынку інтэрната не перазараджаны вогнетушыцелі на 1,2,3 паверхах);

у будынках гасцініцы і інтэрната адсутнічае 10% запас пажарных апавяшчальнікаў;

не забяспечана працаздольнасць і спраўнасць сістэмы пажарнай аўтаматыкі ў будынку гасцініцы (у прыборы сістэмы апавяшчэння акумулятар выйшаў са строю).

У ходзе маніторынгу вывучана выкананне ліцэнзіятам УП «Віцебскае прадпрыемства супрацьпажарных работ» РГАА «БДПА» патрабаванняў заканадаўства пры ажыццяўленні дзейнасці па забеспячэнні пажарнай бяспекі ў частцы тэхнічнага абслугоўвання установак пажарнай аўтаматыкі (далей – УПА) на аб'екце, а таксама праверана працаздольнасць УПА ў дзяжурным рэжыме, у рэжыме пажар (няспраўнасць) на асноўнай і рэзервовай крыніцах сілкавання. У ходзе вывучэння ўстаноўлена, што УПА ў будынку інтэрната знаходзіцца ў працаздольным стане, а ў будынку гасцініцы – у непрацаздольным.

МНС нагадвае, што ў адпаведнасці з арт. 20 Закона РБ «Аб пажарнай бяспецы» кіраўнікі арганізацый павінны забяспечваць пажарную бяспеку і супрацьпажарны рэжым у адпаведных арганізацыях.