Эка-сплаў «Пакінуць чысты след» стаў яркім фіналам экалагічнага тыдня ў Расонскім раёне

Маршрут воднага падарожжа працягласцю каля 10 кіламетраў пралягаў па маляўнічым возеры Волаба, размешчаным на тэрыторыі рэспубліканскага заказніка «Сіньша». Удзельнікі акцыі змаглі не толькі атрымаць асалоду ад унікальных прыродных прыгажосцей і агледзець мясцовыя славутасці, але і ўнесці свой уклад у захаванне экалагічнага балансу рэгіёна. У каманду з 14 чалавек увайшлі прадстаўнікі ключавых ведамстваў і арганізацый раёна. У сплаве прынялі ўдзел: прадстаўнікі Расонскай райінспекцыі прыродных рэсурсаў і аховы навакольнага асяроддзя, ДПУ "ЭКА-РОСЫ", РАНС, РАУС, Расонскі РГС, а таксама аддзел ідэалагічнай работы райвыканкама. Зладжаная праца ведамстваў пацвердзіла агульную гатоўнасць клапаціцца аб роднай зямлі. Падобныя акцыі ўмацоўваюць экалагічную бяспеку рэгіёна і дапамагаюць зберагчы унікальнае прыроднае багацце Расонскага краю для будучых пакаленняў.

Галерэя выяў

•