На пажары ў Ваўкавыскім раёне загінула дзіця

25 мая а 21:53 у дзяжурную службу МНС Ваўкавыскага раёна паступіла паведамленне аб тым, што ў вёсцы Канюхі па вуліцы Новай гарыць прыватны жылы дом. Па ўказаным адрасе неадкладна накіраваліся падраздзяленні ратавальнікаў.

Прыбыўшыя да месца ратавальнікі ўстанавілі, што дах драўлянай пабудовы цалкам ахоплены полымем, адбылося яго частковае абрушэнне.

Высветлілася, што ў доме пражывае сям'я з дзіцем 2008 года нараджэння. На момант узнікнення пажару ў жыллі знаходзіўся толькі ён, бацькі адлучыліся ў краму.

Пры тушэнні загарання і правядзенні разведкі работнікі МНС пад абломкамі будаўнічых канструкцый выявілі загінулага падлетка.

Агонь знішчыў дах, перакрыцце і маёмасць, пашкодзіў сцены.

Работнікі МНС аказалі псіхалагічную дапамогу родным загінулага дзіцяці. Прычыны здарэння высвятляюцца.

З пачатку бягучага года на пажарах у рэспубліцы загінулі чацвёра дзяцей.

Каб не дапусціць вогненнай трагедыі, варта выконваць правілы пажарнай бяспекі: будзьце надзвычай асцярожныя ў абыходжанні з агнём, трымайце ў спраўным стане печную ацяпленне і не перагружайце электрасетку!

Надайце асаблівую ўвагу бяспецы дзяцей. Навучыце іх дзеянням у выпадку экстрэмальнай сітуацыі, раскажыце пра наступствы гульняў з агнём, не пакідайце малалетніх дзяцей без нагляду. Для асабістай бяспекі ўсталюйце ў жыллі аўтаномныя пажарныя выведнікі. У выпадку пажару выклікайце ратавальнікаў па нумарах 101 або 112.

Галерэя выяў