Двое дзяцей патанулі ў Сенненскім раёне падчас катання на надуўным матрацы

Трагедыя адбылася ў суботу каля шасці гадзін вечара на возеры Леванава пабліз в. Адамава Сенненскага раёна. Калі ратавальнікі прыбылі да месца выкліку, на паверхні возера нікога не назіралася, на беразе быў разбіты кемпінг, дзе адпачывала дзве сям'і.

Ратавальнікі ўдакладнілі абставіны здарэння: каля 17-35 адзін з мужчын на надзіманым матрацы з 3 дзецьмі адплыў купацца на адлегласць каля 80 м ад берага. У нейкі момант адбылося перакульванне надзіманага матраца, у выніку чаго дзеці апынуліся ў вадзе. Хлопчыка 2014 года нараджэння, выратаваў на лодцы рыбак, які ў гэты момант знаходзіўся недалёка ад месца здарэння, а двое дзяўчынак схаваліся пад вадой.

Пачаліся пошукі двух патанулых дзяцей ратавальнымі службамі. Праз некаторы час на адлегласці 70 метраў ад берага і глыбіні 3 метраў вадалазамі пажарна-аварыйных-ратавальнага атрада «Віцязь» дасталі з вады цела 9-гадовай дзяўчынкі, а праз 25 хвілін цела 6-гадовай сястры. Абедзве без прыкмет жыцця.

МНС інфармуе: па стане на 28.08.2023 з пачатку года на вадаёмах Віцебскай вобласці патанула 62 чалавекі, у тым ліку 5 дзяцей. Толькі за выхадныя патанула 5 чалавек, у тым ліку 2 дзяцей! Паважаныя грамадзяне, выконвайце правілы паводзін на вадаёмах і не пакідайце дзяцей без нагляду каля вады!

Галерэя выяў