У Расонах адбыўся пажар дома

20 студзеня 2024 года а 13:31 у цэнтр аператыўнага кіравання Расонскага раённага аддзела па надзвычайных сітуацыях паступіла паведамленне аб пажары жылога дома па вуліцы Заслонава ў Расонах.

Па прыбыцці да месца выкліку першых падраздзяленняў МНС назіралася моцнае задымленне ўнутры дома.

Гаспадар 1971 года нараджэння ў дадзеным доме не пражываў, дом сезонна выкарыстоўваўся пад лецішча. На момант узнікнення пажару знаходзіўся на вуліцы каля палаючага дома. Пацярпелых няма.

У выніку пажару ў доме пашкоджаны дах, столявае перакрыцце, сцены, маёмасць.

Прычына пажару ўстанаўліваецца. Разглядаемая версія прычыны ўзнікнення пажару – неасцярожнае абыходжанне з агнём пры курэнні гаспадара дома.

МНС нагадвае:

• Памятайце, што нельга паліць у ложку або седзячы ў крэсле, тым больш, калі выпілі спіртное – у такім становішчы вельмі лёгка заснуць. А калі ў час не патушыць цыгарэту, ад яе можа загарэцца адзенне або мэбля.
• Не кідайце ў урны з паперамі і іншымі гаручымі адходамі нават патушаныя цыгарэты, паколькі яны могуць загарэцца.
• Ні ў якім разе нельга паліць у гаражы – блізкасць аўтамабіля і лёгкаўзгаральных вадкасцей могуць справакаваць пажар.
• Каб не дапусціць пажару на працоўным месцы або ў жылым сектары, неабходна выконваць правілы пажарнай бяспекі!

Галерэя выяў