На пажары ў Расонскім раёне загінулі два чалавекі.

24 лістапада а 16-40 расонскія ратавальнікі выехалі па паведамленні аб пажары дома па вуліцы Маладзёжная ў вёсцы Янкавічы Расонскага раёна.

Па прыбыцці да месца выкліку назіралася гарэнне ўнутры дома.

Дом належаў пенсіянеру 1954 года нараджэння, які пражываў сумесна з сужыцелькай, пенсіянеркай 1963 года нараджэння. Са слоў суседзяў яны характарызаваліся адмоўна і стаялі на ўліку як асобы, якія злоўжываюць спіртнымі напоямі. На момант узнікнення пажару абодва знаходзіліся ў доме.

Пры абследаванні памяшканняў, работнікамі МНС у калідоры на падлозе выяўлена цела мужчыны, у жылым пакоі на падлозе пад матрацам у прагары падлогі знойдзена цела жанчыны.

У выніку пажару ў доме пашкоджаны драўляная перагародка паміж пакоямі, маёмасць, задымлены сцены і столявае перакрыцце.

Прычына пажару высвятляецца. Разглядаемая версія прычыны ўзнікнення пажару – неасцярожнае абыходжанне з агнём пры курэнні сужыцелькі гаспадара дома.

Галерэя выяў