Падвядзенне вынікаў года.

Першы намеснік начальніка Віцебскага абласнога ўпраўлення МНС Андрэй Гаўрыленка правёў службовую нараду па выніках работы Расонскага раённага аддзела па надзвычайных сітуацыях за 2024 год.

У ходзе пасяджэння былі заслуханы даклады намеснікаў начальніка аддзела па кожным напрамку дзейнасці, абмеркаваны праблемныя пытанні і шляхі іх вырашэння. Андрэй Уладзіміравіч падрабязна спыніўся на праблемах, якія тычацца дзейнасці па папярэджанні гібелі людзей ад пажараў і на вадаёмах, у прыватнасці, работы назіральных камісій, кадравай укамплектаванасці падраздзяленняў аддзела, забеспячэння работнікаў жыллём, умоў праходжання службы.

У размове кіраўнік завастрыў асаблівую ўвагу на выкананні службовай, транспартнай дысцыпліны, законнасці, асабістай бяспекі работнікаў аддзела пры ліквідацыі надзвычайных сітуацый, падтрыманні парадку ў памяшканнях падраздзяленняў, утрыманні ў спраўным стане тэхнікі і абсталявання.

Па выніках нарады Андрэй Уладзіміравіч прызнаў дзейнасць аддзела за 2024 год здавальняючай, падзякаваўшы ўсіх прысутных за праведзеную працу, а таксама пажадаў усім поспехаў у службовай дзейнасці.

Галерэя выяў