Россоны. Штодзённае забеспячэнне бяспекі

Расонскія ратавальнікі штодзённа праводзяць інфармацыйна-тлумачальныя мерапрыемствы па папярэджанні пажараў у жыллёвым фондзе і гібелі людзей ад іх.

На гэтым тыдні работнікі раённага аддзела па надзвычайных сітуацыях праводзяць мерапрыемствы для выхаванцаў дашкольных устаноў адукацыі, а таксама для вучняў пачатковых класаў школ раёна. Галоўнае для ратавальнікаў у гэтай працы – данесці да дзяцей інфармацыю аб тым, як не трапіць у бяду і як правільна дзейнічаць у выпадку ўзнікнення надзвычайнай сітуацыі. Для лепшай камунікацыі з дзецьмі работнікі МНС арганізуюць зносіны праз гульню. Не застаюцца ўбаку прадстаўнікі раённай арганізацыі АСВОД, якія расказваюць дзецям аб правілах бяспечных паводзін на вадзе.

Таксама ратавальнікі актыўна вядуць прафілактычную працу ў працоўных калектывах арганізацый і ўстаноў раёна, на аб'ектах гандлю, як у раённым цэнтры, так і ў сельскай мясцовасці, заклікаючы грамадзян да выканання правілаў бяспекі ў сваіх дамах і кватэрах. Работнікі раённага аддзела па надзвычайных сітуацыях інфармуюць прадстаўнікоў працоўных калектываў, наведвальнікаў крам і месцаў выязнога гандлю аб колькасці пажараў, што адбыліся за бягучы год на тэрыторыі рэспублікі, вобласці і раёна, аб правілах эксплуатацыі печавага абсталявання, аб прынцыпе працы аўтаномнага пажарнага апавяшчальніка, правілах яго ўстаноўкі і спосабах праверкі на працаздольнасць.

Галерэя выяў