У Расонах на вуліцы Шэлепня загарэўся аўтамабіль «Ніва».

У Расонах на вуліцы Шэлепня загарэўся аўтамабіль Ніва.

Паведамленне аб загаранні аўтамабіля ў Расонскі раённы аддзел па надзвычайных сітуацыях паступіла 13 ліпеня ў 17 гадзін 9 хвілін. Ратавальнікі аператыўна прыбылі на месца пасля выкліку. Да гэтага моманту Chevrolet Niva ва ўсю гарэла адкрытым полымем.

Пажарным спатрэбілася ўсяго чатыры хвіліны, каб спыніць агонь, і яшчэ дзве — каб цалкам яго патушыць.

На шчасце, ніхто не пацярпеў. Гаспадар машыны, мясцовы жыхар, у момант пачатку пажару знаходзіўся дома. Агонь паспеў сур'ёзна пашкодзіць маторны адсек і салон аўтамабіля. Цяпер спецыялісты высвятляюць дакладную прычыну ўзгарання.

Усяму віной мог стаць аварыйны рэжым працы электраправодкі. Будзьце асцярожныя на дарогах і сачыце за спраўнасцю аўто!

Галерэя выяў