З 1 студзеня 2025 г. уступіў у сілу Закон Рэспублікі Беларусь ад 11 кастрычніка 2024 г. № 36-З «Аб змяненні законаў па пытаннях занятасці насельніцтва». Наймальнікі абавязаны размяшчаць звесткі аб наяўнасці свабодных рабочых месцаў (вакансій) на партале дзяржаўнай службы занятасці gsz.gov.by на працягу 5 рабочых дзён з дня іх узнікнення (артыкул 35).

Наймальнікі са спісачнай колькасцю работнікаў не больш за 5 чалавек маюць права прадастаўляць звесткі ў орган па працы, занятасці і сацыяльнай абароне ў пісьмовым выглядзе.

Дзеянне Дэкрэта Прэзідэнта Рэспублікі Беларусь ад 26 лістапада 2006 г. № 18 «Аб дадатковых мерах па дзяржаўнай абароне дзяцей у неспрыяльных сем'ях» спынена. Работа з асобамі, абавязанымі пакрываць расходы на ўтрыманне дзяцей, якія знаходзяцца на дзяржаўным забеспячэнні, праводзіцца ў адпаведнасці з артыкуламі 31, 32 новага Закона. Інфармацыю аб кожным выпадку здзяйснення абавязанымі асобамі прагулаў без уважлівай прычыны неабходна накіроўваць у аддзел унутраных спраў па месцы жыхарства названых асоб.