Структура і функцыі райвыканкама

*Вытрымка з Закона Рэспублікі Беларусь ад 4 студзеня 2010 г. № 108-З "Аб мясцовым кіраванні і самакіраванні ў Рэспубліцы Беларусь" (Прыняты Палатай прадстаўнікоў 11 снежня 2009 года, адобраны Саветам Рэспублікі 17 снежня 2009 года)

ГЛАВА 5
ВЫКАНАЎЧЫЯ І РАСПАРАДЧЫЯ ОРГАНЫ

Артыкул 41. Кампетэнцыя выканкамаў

• Выканкамы ў межах сваёй кампетэнцыі ў парадку, устаноўленым заканадаўствам:
• прадстаўляюць інтарэсы адпаведнай адміністрацыйна-тэрытарыяльнай адзінкі ва ўзаемаадносінах з іншымі дзяржаўнымі органамі, іншымі арганізацыямі і грамадзянамі;
• распрацоўваюць і ўносяць для зацвярджэння ў Саветы праекты праграм сацыяльна-эканамічнага развіцця адпаведнай адміністрацыйна-тэрытарыяльнай адзінкі, забяспечваюць выкананне гэтых праграм;
• распрацоўваюць і ўносяць для зацвярджэння ў Саветы праекты прагнозаў сацыяльна-эканамічнага развіцця адпаведнай адміністрацыйна-тэрытарыяльнай адзінкі, забяспечваюць выкананне гэтых праграм;
• распрацоўваюць і ўносяць для зацвярджэння ў Саветы праекты рэгіянальных праграм, канцэпцый (выканкамы першаснага ўзроўню – праекты планаў мерапрыемстваў) па пытаннях жыллёвага будаўніцтва, добраўпарадкавання адпаведнай тэрыторыі, дарожнага будаўніцтва, камунальна-бытавога і сацыяльнага абслугоўвання грамадзян, сацыяльнай падтрымкі дзяцей, моладзі, ветэранаў, інвалідаў і пажылых людзей, падтрымкі малога прадпрымальніцтва, аховы здароўя, адукацыі, фізічнай культуры і спорту, аховы навакольнага асяроддзя і рацыянальнага выкарыстання прыродных рэсурсаў, паляпшэння ўмоў і аховы працы, забеспячэння радыяцыйнай бяспекі, аховы гісторыка-культурнай спадчыны і па іншых пытаннях мясцовага значэння, забяспечваюць іх выкананне;
• ажыццяўляюць складанне праекта мясцовага бюджэту і рыхтуюць справаздачу аб яго выкананні;
• забяспечваюць выкананне мясцовага бюджэту, паступленне прадугледжаных даходаў і расходаванне бюджэтных сродкаў у адпаведнасці з іх мэтавым прызначэннем;
• прадастаўляюць па даручэнні Саветаў у адпаведнасці з Падатковым кодэксам Рэспублікі Беларусь і (або) актамі Прэзідэнта Рэспублікі Беларусь льготы па рэспубліканскіх падатках, зборах (пошлінах), якія цалкам выплачваюцца ў мясцовыя бюджэты;
• распараджаюцца камунальнай уласнасцю ў парадку, устаноўленым Саветамі, а таксама ажыццяўляюць кантроль за яе выкарыстаннем на адпаведнай тэрыторыі;
• распараджаюцца прыроднымі рэсурсамі ў выпадках і парадку, прадугледжаных заканадаўствам аб ахове навакольнага асяроддзя і рацыянальным выкарыстанні прыродных рэсурсаў;
• прымаюць рашэнні аб стварэнні, рэарганізацыі і ліквідацыі арганізацый, маёмасць якіх знаходзіцца ў камунальнай уласнасці;
• зацвярджаюць рэжым працы арганізацый, маёмасць якіх знаходзіцца ў камунальнай уласнасці, узгадняюць рэжым працы іншых арганізацый і індывідуальных прадпрымальнікаў, якія ажыццяўляюць дзейнасць на адпаведнай тэрыторыі, калі іншае не прадугледжана заканадаўчымі актамі;
• уносяць на разгляд адпаведных Саветаў і іх органаў прапановы па ўсіх пытаннях мясцовага значэння і ўдзельнічаюць у разглядзе гэтых прапаноў;
• арганізуюць абмеркаванне на адпаведнай тэрыторыі важных пытанняў мясцовага і рэспубліканскага значэння;
• інфармуюць грамадзян і арганізацыі аб стане спраў на адпаведнай тэрыторыі па пытаннях мясцовага значэння;
• забяспечваюць дзяржаўныя мінімальныя сацыяльныя стандарты ў галіне сацыяльнай падтрымкі і сацыяльнага абслугоўвання, аплаты працы, пенсійнага забеспячэння і ў іншых галінах;
• арганізуюць на адпаведнай тэрыторыі газазабеспячэнне, электразабеспячэнне, цеплазабеспячэнне, водазабеспячэнне грамадзян, водаадвядзенне, забяспечваюць патрэбу насельніцтва ў пітной вадзе, забеспячэнне грамадзян палівам;
• фарміруюць таварныя рэсурсы для адміністрацыйна-тэрытарыяльных адзінак у мэтах забеспячэння бесперабойнага гандлю;
• прымаюць меры, накіраваныя на развіццё прамысловай і сельскагаспа
• спрыяюць свабоднаму развіццю культур нацыянальных супольнасцей, якія пражываюць на адпаведнай тэрыторыі, ажыццяўляюць ахову і садзейнічанне ў рэалізацыі правоў грамадзян розных нацыянальнасцей у сферах адукацыі, інфармацыйнага забеспячэння і іншых сферах;
• вырашаюць пытанні дэмаграфічнай бяспекі, паляпшэння сацыяльна-эканамічных умоў жыццядзейнасці сям'і;
• вырашаюць пытанні размяшчэння аб'ектаў будаўніцтва на адпаведнай тэрыторыі;
• забяспечваюць развіццё жыллёвага фонду і жыллёвай гаспадаркі, ствараюць умовы для забеспячэння грамадзян жылымі памяшканнямі, у тым ліку арганізуюць будаўніцтва жылых памяшканняў сацыяльнага карыстання, прадастаўляюць такія памяшканні;
• ствараюць умовы для забеспячэння грамадзян паслугамі сувязі, грамадскага харчавання, гандлю і бытавога абслугоўвання;
• ствараюць умовы для прадастаўлення транспартных паслуг насельніцтву і арганізуюць транспартнае абслугоўванне грамадзян на адпаведнай тэрыторыі;
• ствараюць умовы для рэалізацыі грамадзянамі права на адукацыю;
• забяспечваюць распаўсюджванне культурных каштоўнасцей, праводзяць культурныя мерапрыемствы і ажыццяўляюць стымуляванне культурнай дзейнасці грамадзян, праводзяць мерапрыемствы па ахове гісторыка-культурнай спадчыны;
• праводзяць фізкультурна-аздараўленчую і спартыўна-масавую працу з грамадзянамі, утрымліваюць фізкультурна-спартыўныя збудаванні, якія знаходзяцца ў камунальнай уласнасці, і ажыццяўляюць іх рамонт, падтрымліваюць дастатковы ўзровень забяспечанасці населеных пунктаў фізкультурна-спартыўнымі збудаваннямі;
• забяспечваюць санаторна-курортнае лячэнне і аздараўленне грамадзян;
• спрыяюць развіццю прафсаюзных, моладзевых, дзіцячых, жаночых, ветэранскіх і іншых грамадскіх аб'яднанняў;
• праводзяць мерапрыемствы ў галіне дзяржаўнай маладзёжнай палітыкі;
• арганізуюць будаўніцтва, рэканструкцыю, рамонт і ўтрыманне мясцовых аўтамабільных дарог, кіруюць дарожнай дзейнасцю, звязанай з аўтамабільнымі дарогамі неагульнага карыстання;
• ажыццяўляюць кантроль у галіне жыллёвага будаўніцтва, добраўпарадкавання адпаведнай тэрыторыі, дарожнага будаўніцтва, камунальна-бытавога і сацыяльнага абслугоўвання грамадзян, сацыяльнай падтрымкі дзяцей, моладзі, ветэранаў, інвалідаў і пажылых людзей, падтрымкі малога прадпрымальніцтва, аховы здароўя, адукацыі, фізічнай культуры і спорту, аховы навакольнага асяроддзя і рацыянальнага выкарыстання прыродных рэсурсаў, аховы працы, забеспячэння радыяцыйнай бяспекі, аховы гісторыка-культурнай спадчыны і ў іншых галінах, якія закранаюць пытанні мясцовага значэння;
• прымаюць меры па абароне правоў спажыўцоў, у тым ліку жыллёва-камунальных паслуг;
• сумесна з праваахоўнымі органамі ажыццяўляюць дзейнасць па ахове грамадскага парадку;
• ажыццяўляюць дзейнасць па прафілактыцы правапарушэнняў;
• удзельнічаюць у барацьбе з карупцыяй, процідзеянні экстрэмізму, у тым ліку тэрарызму;
• удзельнічаюць у папярэджанні і ліквідацыі надзвычайных сітуацый, выкананні мерапрыемстваў па грамадзянскай абароне, забеспячэнні пажарнай, прамысловай, ядзернай і радыяцыйнай бяспекі, ліквідацыі наступстваў катастрофы на Чарнобыльскай АЭС;
• забяспечваюць ажыццяўленне на адпаведнай тэрыторыі кантролю за выкананнем заканадаўства, ажыццяўляюць тлумачэнне пытанняў прымянення заканадаўства, якія адносяцца да кампетэнцыі органаў мясцовага кіравання і самакіравання;
• праводзяць мерапрыемствы, звязаныя з дзяржаўнымі святамі, святочнымі днямі і памятнымі датамі;
• выступаюць заснавальнікамі (удзельнікамі) арганізацый, маёмасць якіх знаходзіцца ў прыватнай уласнасці;
• выступаюць заснавальнікамі мясцовых сродкаў масавай інфармацыі;
• вырашаюць пытанні, звязаныя з аховай працы;
• удзельнічаюць у міжнародным супрацоўніцтве;
• ажыццяўляюць іншыя паўнамоцтвы, прадугледжаныя гэтым Законам і іншымі актамі заканадаўства.

Артыкул 43. Асаблівасці кампетэнцыі выканкамаў базавага ўзроўню

Выканкамы базавага ўзроўню ў межах сваёй кампетэнцыі ў парадку, устаноўленым заканадаўствам:

• спрыяюць занятасці грамадзян, арганізуюць аплачваныя грамадскія работы, назначаюць і выплачваюць дапамогу па беспрацоўі, вырашаюць іншыя пытанні ў сферы занятасці;
• забяспечваюць прадастаўленне ільготных крэдытаў, субсідый грамадзянам, якія стаяць на ўліку як тыя, што маюць патрэбу ў паляпшэнні жыллёвых умоў;
• арганізуюць бібліятэчнае абслугоўванне грамадзян, камплектаванне і забеспячэнне захаванасці бібліятэчных фондаў;
• забяспечваюць добраўпарадкаванне і падтрыманне належнага санітарнага стану на адпаведнай тэрыторыі, у тым ліку ў аграгарадках, прыцягваюць грамадзян і арганізацыі да ажыццяўлення такіх работ;
• арганізуюць асвятленне вуліц і ўстаноўку указальнікаў з назвамі вуліц і нумарамі дамоў;
• арганізуюць работы па выдаленні камунальных адходаў;
• здзяйсняюць дзеянні, звязаныя з рэгістрацыяй актаў грамадзянскага стану;
• забяспечваюць бяспеку дарожнага руху;
• ажыццяўляюць дзяржаўную рэгістрацыю і ліквідацыю (спыненне дзейнасці) суб'ектаў гаспадарання (толькі Брэсцкі, Віцебскі, Гомельскі, Гродзенскі, Магілёўскі гарадскія выканаўчыя камітэты);
• выдаюць спецыяльныя дазволы (ліцэнзіі) на ажыццяўленне асобных відаў дзейнасці;
• уносяць прапановы аб адхіленні ад работы кіраўнікоў размешчаных на адпаведнай тэрыторыі дзяржаўных арганізацый, маёмасць якіх не знаходзіцца ў камунальнай уласнасці гэтай адміністрацыйна-тэрытарыяльнай адзінкі, іх наймальнікам у выпадку невыканання імі рашэнняў Савета, выканаўчага камітэта базавага ўзроўню альбо Савета, выканаўчага камітэта абласнога ўзроўню, прынятых у межах іх кампетэнцыі, або іншых актаў заканадаўства, калі іншае не ўстаноўлена Прэзідэнтам Рэспублікі Беларусь;
• уносяць прапановы аб вызваленні ад пасад кіраўнікоў размешчаных на адпаведнай тэрыторыі арганізацый, маёмасць якіх не знаходзіцца ў камунальнай уласнасці гэтай адміністрацыйна-тэрытарыяльнай адзінкі, у дзяржаўныя органы, у падпарадкаванні (вядзенні) якіх яны знаходзяцца, або органы кіравання гэтых арганізацый у выпадку невыканання імі рашэнняў Савета, выканаўчага камітэта базавага ўзроўню альбо Савета, выканаўчага камітэта абласнога ўзроўню, прынятых у межах іх кампетэнцыі, або іншых актаў заканадаўства;
• уносяць у кампетэнтныя дзяржаўныя органы прапановы аб прыцягненні да адказнасці размешчаных на адпаведнай тэрыторыі арганізацый, іх службовых асоб і іншых грамадзян, аб узнаўленні шкоды, прычыненай іх рашэннямі, дзеяннямі (бяздзейнасцю) інтарэсам грамадзян, мясцовай гаспадарцы, навакольнаму асяроддзю, у выпадку невыканання імі рашэнняў Савета, выканаўчага камітэта базавага ўзроўню альбо Савета, выканаўчага камітэта абласнога ўзроўню, прынятых у межах іх кампетэнцыі, або іншых актаў заканадаўства;
• адмяняюць рашэнні ніжэйстаячых выканаўчых і распарадчых органаў, распараджэнні іх кіраўнікоў, калі яны не адпавядаюць рашэнням Савета, выканкама базавага ўзроўню альбо Савета, выканкама абласнога ўзроўню, прынятым у межах іх кампетэнцыі, або іншым актам заканадаўства;
• ажыццяўляюць іншыя паўнамоцтвы, прадугледжаныя гэтым Законам і іншымі актамі заканадаўства.